Arquivos da etiqueta: #NaCasa_NV

Poxa benéfica

Coa colaboración do alumnado de 1º ESO e da comunidade educativa, neste mes de xuño de 2020 levouse a cabo unha poxa benéfica na que se venderon 9 collages do devandito alumnado (realizados no período de estricto confinamento, cos materiais que había a man na casa de cada quen).

A actividade, levada a cabo pola profesora de Tecnoloxía e Ed. Plástica Victoria Fernández Rancaño, obtivo unha recadación de 205 € que se entregarán a Cáritas.

Grazas a todo o mundo pola participación nesta actividade. Vaia para o alumnado creador e doante O NOSO RECOÑECEMENTO:

Alba Alonso Adrián Barro Isaac Encinas
Antía González Celeste López Noa Martínez
José Rodríguez Anxo Somoza Blanca Turienzo

 

Matemáticas #NaCasa_NV

O alumnado de 2º ESO da profesora de matemáticas Mª Ángeles Varela realizou, neste confinamento, toda unha serie de traballos que compartimos. Neles comprobamos como estamos habituados a ver nos libros de texto figuras de homes matemáticos -con teoremas que levan o seu nome- e porén nunca vemos ningunha muller matemática nos nosos textos, e non é porque elas non teñan realizado grandes descubrimentos na vida matemática. E tamén comprobamos como estamos rodeados de números na nosa vida diaria, así como de formas xeométricas que o alumnado fotografiou.

  • Números na vida cotiá.
  • Xeometría na vida cotiá.
  • Mulleres matemáticas.
  • Tangrams.
    Un tangram está composto por sete figuras xeométricas; dous triángulos grandes, dos que a área é un cuarto da área total, dos máis pequenos de área un dezaseisavo da área total, un mediano que corresponde a un oitavo da área total, un cadrado que é un oitavo da área total e un paralelogramo que representa tamén un oitavo da área total.

#NaCasa_NV ¿Medo? ¡Oh na na na!

Reflexións para despois da pandemia #NaCasa_NV

O período de pandemia e confinamento servíu para reflexionar sobre as consecuencias da COVID-19, e así o fixeron as alumnas e alumnos de 1º Bacharelato.

Velaquí algunhas infografías sobre o mundo post-covid19.

Interdisciplinariedade grega #NaCasa_NV

Nunha colaboración interdisciplinar na que ten participado alumnado de 1º ESO, recreamos a Grecia antiga a través de diversos elementos: imaxes deconstruídas, videos, visual thinking, infografías e bandas deseñadas.

Contactar en estado de alarma

Diante da necesidade de continuar co ensino a distancia neste período, publicamos –DE CARA ÁS FAMILIAS DA COMUNIDADE EDUCATIVA, unha guía cos métodos de seguimento de aulas online por parte do profesorado de cada curso e o contacto preferente co profesorado en caso de dúbida. Pódese consultar -facendo click- na ligazón PDF ou ben en  Calaméo.

SAÚDE A TODAS E TODOS!!!

 

Semana das Letras 2020

Este ano, a Semana das Letras terá que ser #NaCasa. Mais, desde alí, o alumnado non deixa de traballar, en colaboración coa profesora Patricia Varela. En 2020 homenaxeamos a Ricardo Carvalho Calero.

D. Ricardo é un autor de extremada importancia nas nosas letras, que serviu de inspiración e de rosa dos ventos para tod@s aqueles que nos dedicamos neste momento a transmitir o amor pola lingua e a nosa literatura. Sen el, o panorama das letras galegas non sería tan interesante nin tan amplo como é.

A súa poesía, gran descoñecida moveu parte das nosas actividades, pasade e escoitade os seus poemas musicados ou os videopoemas realizados polas nosas alumnas.

Malia a que o COVID fixo que a Real Academia Galega trasladase ao mes de outubro a celebración na honra de D. Ricardo Carvalho Calero, o alumnado de 3º ESO do IES Neira Vilas quixo renderlle homenaxe con varias actividades lúdicoinformativas realizadas durante a corentena.

#CienciaNaCasa_NV

O domingo 10 de maio de 2020 íase celebrar o Día da Ciencia na Rúa en A Coruña, e este centro ten hábito de participar.

Este ano, dadas as circunstancias, non se pode facer. Por iso o sustituimos polo día da #CienciaNaCasa_NV. Aquí colgaremos, polo tanto, algunhas das actividades realizadas polo alumnado nas súas propias casas.

Collages #NaCasa_NV

O alumnado de 1º ESO, coordinado pola profesora Victoria Fernández, realizou #NaCasa una serie de collages de grande mérito. Pódense ver nesta ligazón ou facendo click sobre a imaxe de entrada.

Francés #NaCasa_NV

O alumnado de Francés de 4º ESO, 1º e 2º Bacharelato, en colaboración coas familias, e coordinado polo profesor Carlos Vidal, ilústranos sobre o que esperan do primeiro día do post-confinamento e invítannos a resistir… Sempre na lingua de Molière!!!