Os días 21 e 28 de Novembro alumnos de 32 de ESO e 1ª de bacharelato fixeron unha visita, organizada polos departamentos de Física e Química e de Tecnoloxía, á planta de tratamento da augas residuais EDAR de Bens.
Despois dunha explicación do proceso de recollida e tratamento das augas fixeron unha percorrido polas instalacións. Seguir lendo Vista á EDAR de Bens
Arquivo da categoría: Actividades
Semana Neira Vilas
Do 27 de novembro ao 1 de decembro este ano celebraremos a Semana Neira Vilas a través de varias actividades. Por unha banda, o Departamento de Dinamización da Lingua Galega e o Departamento de Plástica convoca o concurso “As paisaxes de Anisia”. A partir da lectura de textos sobre a vida e obra de Anisia Miranda, o alumnado realizará unha obra plástica que recolla as súas imprensións. Por outra banda, o venres 1 de decembro haberá unha homenaxe na que participará todo o centro. Contarase coa presenza de Luis Reimóndez, presidente da Fundación Neira Vilas, e Pepe Carballude. Ambos terán un encontro co alumnado de 3º e 4º da ESO para lembrar a figura do escritor e de Anisia Miranda.
Ciencia Na Rúa 2017
O día 6 de maio, organizado polos departamentos de Física e Química, Bioloxía e Tecnoloxía, o noso centro participou na XXII edición de Ciencia Na Rúa.
Ao longo do día 46 alumnas e alumnos presentaron, con gran entusiasmo e interese, ao público experiencias sobre magnetismo e química.
Agradecemos especialmente a colaboración de Jesús Mosqueira Rey, profesor do departamento de Física de Partículas da Facultade de Física da USC, polo asesoramento e achega do material para a experiencia de levitación magnética.
A actividade foi organizada polos profesores:
- María José Fandiño Río
- Laura Fernández Villarino
- Blanca Rodríguez Latorre
- Xosé Rodríguez Rodríguez
- Ramón Romero Pardo, (profesor emérito)
- Antonio Varela Caamaño, (profesor emérito)
Actividades sobre magnetismo:
- Imáns polos e forzas magnéticas.
- Materias ferromagnéticos e non ferromagnéticos.
- O compás: determinación dos polos dun imán.
- Construción de imáns.
- Experiencia de Oersted.
- Forza de Lorentz.
- Construción de electroimáns.
- Experiencias de indución.
- Motor homopolar.
- Tren de bobina.
- Levitación magnética con supercondutor.
Actividades de química:
- Reaccións redox con permanganato: transformacións de viño en auga.
- Ácidos e bases: A col lombarda como indicador de pH.
- Diferencias de densidade: Lámpada de lava e as lentellas máxicas.
Preparando
Preparando
A experiencia de Oerted
A maxia da química
Un motor homopolar
arrefriando o supercondutor con nitróxeno líquido
Un imán levita sobre un supercondutor a 95 K
Un imán levita sobre un supercondutor a 95 K
A indución electromagnética
Un fluído magnético
A maxia da química
A maxia da química
Iniciación á escalada
O día 4 de abril, o concello de Oleiros organizou en coordinación co seminario de Educación Física, unha xornada de “Iniciación á escalada”. Celebrouse no pavillón de Bastiagueiro e participaron os alumnos de 2º da ESO en sesións de dúas horas cada grupo. 
Actividade de Hip-hop
Dende o concello de Oleiros, e a través do seminario de Educación Física, a compañía EXIRE organizou unha workshop sobre a cultura do Hip-hop, celebrando así a proximidade do día internacional da danza. Foi o mércores 26 de abril e participaron os rapaces de 3º e 4º da ESO.
Galegos nos campos de exterminio
En días pasado no noso centro educativo realizouse o visionado do documental “Mathaussen, regreso ó campo da morte” sobre galegos no campo de exterminio cun debate posterior co seu realizador Manuel Torrente. Na actividade participou o alumnado de de cuarto curso e 1º de Bacharelato dentro das actividades do Departamento de Xeografía e Historia.
Entroido 2017
O 24 de febreiro tivo lugar o concurso de disfraces co gallo do Entroido. Mentres o xurado deliberou a quen concederlle os premios, tamén se recitaron desde o escenario do Salón de Actos os testamentos que preparou o alumnado do primeiro ciclo de ESO. O primeiro premio individual foi para Alberto Pérez Vishneuskiv, alumno de 1º da ESO, mentres que o segundo recaeu en Sergio Carnero Cadavid, alumno de 2º da ESO. O primeiro premio para grupos recaeu en Lucía Hermida e Antela Couceiro, de 4º da ESO, e o segundo no grupo de rockeiras integrado por alumnas de 3º da ESO.
HUMANO
Ven sendo tradición que o último día do primeiro trimestre se convirta nunha exaltación do #OrgulloNeira, coa colaboración sempre magnífica entre alumnado e profesorado para dar saída aos produtos finais dos proxectos interdisciplinares de cada ano.
O 21 de decembro de 2016, unha programación multidisciplinar que contou coa colaboración da totalidade de departamentos do IES Plurilingüe Neira Vilas puxo en marcha unha xeira que incluíu:
1) a xincana #NeiraNunDía (coa realización de actividades diversas, coordinadas polo alumnado de 1º Bacharelato e 3º ESO, incluíndo probas lingüísticas, matemáticas, físico-químicas, deportivas, artísticas, xeográfico-históricas, de baile e científicas -coa especial elaboración de cocktails sen alcohol-);
2) o concurso #NeiraMannequin, no que participaron todos os grupos de ensino secundario obrigatorio, e finalmente gañado polo alumnado de 1º ESO da materia “Investigación e tratamento da información”;
3) o espectáculo #Humano, no que a participación do alumnado foi ben variada e diversa, con presentacións sobre o ser humano explorador, as teorías da poboación [texto], a evolución humana, os dereitos humanos, as diversas teatralizacións sobre a torre de Babel e o especificamente humano, a leitura de poemas en linguas estranxeiras. Para finalizar o espectáculo, a música tomou corpo con interpretacións do recente premio Nobel de Literatura Bob Dylan (“Blowin’ in the wind” e “Don’t think twice,…”), o rap -que volve con forza a este centro despois de anos de espera-, e unha panxoliña de Nadal que xa se está a converter nun clásico no noso centro educativo: “Nadal de Luintra”. Consultade a presentación do acto e ollade o video introdutorio.
Agradecemos a colaboración de toda a comunidade escolar neste día no que todos contribuímos a realizar unha obra tan coral. Non será a última, de seguro, mais agora convén felicitarnos pola extensísima participación deste ano. “Traballar en equipo divide o traballo e multiplica os resultados”. Grazas.
Concedida subvención Concello de Oleiros
O Concello de Oleiros vén de conceder unha subvención de 5572 € ao noso centro polos seguintes conceptos:
“Actividades didácticas e culturais (representacións teatrais, viaxes a entidades, museos e exposicións, concertos, actividades deportivas, viaxe cultural a Bruxelas, intercambio escolar con Collége Notre Dame le Ménimur-Bachibac 7 alumnos/as) para 278 alumnos-as, viaxe fin de etapa para 17 alumnos-as a Barcelona e 7 alumnos e alumnas de Bachibac”.
Memoria de actividades 2015-2016
No remate do curso 2015-2015 presentouse ao Consello Escolar e ao Claustro do Profesorado a Memoria de Actividades Complementarias e Extraescolares desenvolvido.
Resalta no mesmo o forte asentamento dun bo número de propostas, o inicio dun novo proxecto coas performances coas que se remata cada un dos trimestres e o continuado apoio que recibimos desde o Concello de Oleiros que oferta un bo número de actividades e da o seu apoio ao resto.