O noso instituto súmase á campaña de recollida de alimentos, organizada polo Banco Solidario do Voluntariado de Oleiros do 3 ao 13 de novembro. Invítase a todos os membros da comunidade educativa, que podan facer este esforzo, que aporten conservas animais ou vexetais, aceite, vinagre, fideos, fariña ou sucre.
Arquivo da categoría: Actividades
Os outros exilios
O día 15 de outubro acompañáronnos no noso centro as “nenas de Moscú”: Araceli Ruiz, Libertad Fernández e Shura Mavova. Unha experiencia vital dura e emocionante. A charla foi organizada polo departamento de Xeografía e Historia e os alumnos Daniel Sánchez, Angela Fernández, Sandra González e Laura Fernández Lorenzo.
A experiencia da saída de España, mentres bombardeaban os barcos nos que ían os nenos no ano 1937, a vida en Rusia durante a Segunda Guerra Mundial e de novo a fame e os bombardeos, fixo que estas mulleres se convertisen nunhas activistas contra os horrores da guerra e o exilio.
Non puideron ver aos seus pais ata pasados máis de trinta anos porque o réxime franquista non llelo permitía. Foi en Cuba, a onde marcharon moitos destes nenos canda a revolución cubana, cando puideron reencontrase coa familia, grazas a axuda de xente como o “Che” Guevara. Todos ese nenos puideron estudar e ter unha vida digna, pero sempre quixeron volver á casa.
Estiveron connosco as “nenas” de noventa e un, oitenta e seis e oitenta e cinco anos para contárnolo.
O alumnado tivo moito interese en seguir falando coas conferenciantes e continuaron preguntando e fotografándose con elas.
A actividade na prensa:
- La Opinión, 14 de outubro
- La Opinión, 16 de outubro
- V televisión, 16 de outubro
- Radio Coruña, 17 de outubro
Ruta do Seixo Branco en bici
O día 7 de novembro (sábado) convócase á toda comunidade educativa (pais e nais, profesorado, alumnado, …) a participar na 2ª ruta ciclista organizada polo centro: A Ruta do Seixo Branco.
A saída será as 9:00 diante da piscina de Perillo. As inscripcións poden facerse na Conserxería do centro.
Cartaz informativo: RutaCiclistaSeixoBranco2015
Xornada do Equipo de Convivencia e Mediación
Xornada de Convivencia e adestramento en técnicas de mediación
O pasado luns, 28 de setembro, o Equipo de Convivencia e Mediación realizou unha excursión a Ferrol, Mugardos e Montefaro. No transcurso dun fermoso e soleado día, os integrantes do equipo visitaron o gran Castelo de San Felipe, unha fortaleza militar construída a finais do século XVI para defender a ría e a cidade de Ferrol (coido que naqueles tempos non había mediadores).
Xa na outra marxe da ría, no municipio de Mugardos, o equipo tivo a oportunidade de visitar o Castelo da Palma, da mesma época que o de San Felipe e situado xusto enfronte a un tiro de pedra (anque por carreteira tardamos case unha hora en chegar dun ao outro). No Castelo da Palma tivemos a sorte de ter a axuda de Patricia, a guía do concello de Mugardos, que nos foi explicando a construción militar, que ao que parece, queren converter nun hotel-spa de cinco estrelas. Patricia mostrounos a ponte levadiza, as cubertas, o peirao para o abastecemento, o polvorín, as casamatas os calabozos e a prisión militar, na que, segundo nos dixo, estivo preso un tal Antonio Tejero, que en 1981 protagonizóu un golpe de estado militar contra a democracia española (afortunadamente o golpe non tivo éxito e os seus líderes acabaron na cárcere).
Despois da estupenda visita ao Castelo da Palma subimos a Montefaro, ao Mosteiro de Santa Catalina. Comimos os bocatas no xardín do Mosteiro e logo fixemos un duro adestramento mediante un xogo de rol no que os mediadores tiñan que enfrontarse a un complicado conflito que, anque era inventado, podería perfectamente haber ocorrido no noso instituto. Cando rematamos o adestramento visitamos brevemente o Mosteiro. Está en moi malas condicións e so puidemos ver o claustro e a igrexa.
E logo xa de volta ao bus para chegar a tempo de coller o transporte escolar.
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Equipo de Convivencia e Mediación
Convivencia con alumnado de Öckerö (Suecia)
Do 24 ao 29 de setembro, o alumnado de primeiro de bacharelato disfrutou dunhas xornadas de convivencia cun grupo de alumnos do instituto de ensino secundario Seglande Gymnasieskola de Öckero (Suecia) que chegaron á Coruña a bordo da bricbarca Gunilla.
Os alumnos deste centro desenvolven parte do cursos escolar enrolados no Gunilla facendo escala en diversos portos de Europa, África e América.
Máis información sobre o proxecto…
Viaxe Fin de Etapa (ESO 4º)
Un grupo de 15 alumnos de 4º de ESO realizaron a viaxe de fin de etapa a Barcelona, Figueras e Port Aventura do 15 ao 20 de xuño cun intenso programa lúdico e formativo.
Memoria de actividades do curso 2014-2015
Prema aquí para ver a relación de actividades complementarias e extraescolares realizadas no curso 2014-2015.
Sostible
O 19 de xuño, como finalización do curso académico, o IESP puxo en escena a performance “Sostible”, Proxecto de Biblioteca no que se traballou durante o último trimestre por parte de máis do 40% do profesorado do centro educativo. Contou coa participación directa de máis de 50 alumnas e alumnos dos diversos niveis e volveu amosar unha estreita colaboración alumnado-profesorado, da que temos a ben facer gala neste instituto.
Grazas a tod@s pola vosa participación e bo verán.
Olla algunha actuación, por Cortesía de Carmen Rodríguez Coronado: Lucía e Xoan [1, 2]; outro alumnado de 4º ESO; Antón, Laura e Marta.
Olla o vídeo de consellos ecolóxicos do alumnado de 1º ESO e o vídeo-poema de Davi Carro, alumno de 2º ESO.
Olla algún outro vídeo aquí.
Ruta dos pazos en bici
Organizado polo departamento de Normalización Lingüística e coa participación de pais, alumnos e profesorado, o día 13 de xuño, realizouse a “Ruta dos pazos en bici” . Visitamos os pazos de Lóngora, Franzomel, Xaz, Miraflores e Montrove (Pazo Do Río).
Os participantes disfrutaron do percorrido e do bon tempo sen máis incidentes que algún pinchazo e co desexo de repetilo en próximos cursos.
Intercambio de libros de texto
Xa sabedes a importancia que ten o banco de libros para a economía familiar, polo que animámosvos a todos e a todas a participar coas vosas doazóns, paso primordial para poder contar con libros para todo o alumnado, así como a facervos socios da anpa para poder seguir a traballar en proxectos como este.
A participación no intercambio de libros é totalmente voluntaria, pero tamén imprescindible para poder beneficiarse do mesmo.
Aquí tedes as normas básicas para participar no intercambio de libros de texto:
Decálogo do Intercambio de Libros
- O intercambio de libros é un acto totalmente voluntario e formarán parte todas as familias que doen os seus libros.
- Doar os libros da dereito a participar no intercambio, pero no garante que todo o mundo reciba os libros solicitados, xa que isto dependerá das existencias que haxa no fondo de libros.
- Haberá un intercambio no mes de xullo e outro en setembro.
- O alumnado que envíe a outra persoa a recoller os seus libros, que non sexa nai, pai, ou titor legal, deberá de proporcionarlle unha autorización por escrito.
- Cando o alumnado precise quedar con algún libro ata a convocatoria do mes de setembro ou para utilizalo outro curso máis, deberán comunicalo á anpa.
- Ningún alumn@ poderá prestar ningún libro do fondo a outr@ alumn@, nin sequera a membros da súa familia. Os libros prestados deberán de volver ao fondo da anpa cada curso, para que se poida facer un reparto xusto.
- O alumno que non devolva algún libro, ou teña débedas pendentes coa anpa, causará baixa na participación do intercambio.
- Os libros deben forrarse e marcarse indicando o nome cunha pegatina na portada exterior, deben coidarse, non pintarse con bolígrafos ni rotuladores. Recordade que son de todos e que despois outro alumno fará uso deles.
- O alumnado que non veña a recoller os libros que lle corresponda nas datas que se indican e non avise a anpa a través do enderezo electrónico, ou de ningún outro xeito, perderá o seu dereito a dispoñer deles.
- Formar parte da anpa fai posible que esta exista e poida representar ás familias ante a administración cando é necesario e organizar actividades tan importantes como esta dentro do instituto, así que non o dubides e faite soci@.
A xunta directiva