Arquivo da categoría: Actividades

Actividades, Alumnos, Proxectos ambientais

Proxecto Terra

Deixa un comentario
Proxecto Terra
Proxecto Terra

Os días 1 e 2 de abril, alumnado de 3º e 4º ESO participaron nun novo intercambio do Proxecto Terra, neste caso a Ferrol e as Fragas do Eume.
Acompañados por Sandra Pérez Coto e Jorge Carlos Calle López, visitaron o primeiro día Ferrol, primeiro cunha actividade na aula de Ecoloxía Urbana e despois na Exposición Nacional da Construción Naval. Tras un percorrido en barco pola ría, con parada en Mugardos para xantar, a tarde completouse coa visita ao castelo de San Felipe e un percorrido polo barrio da Magdalena.
O aloxamento foi no albergue Albarelle, exemplo de bioconstrución e de establecemento comprometido coa conservación do Medio Natural. O segundo día consistiu en actividades nas Fragas do Eume e visita ao Museo Etnográfico da Capela.
Agradecer ao Proxecto Terra a boa organización e atención prestada ao noso alumnado

Proxecto Terra
Proxecto Terra
Proxecto Terra
Proxecto Terra
Proxecto Terra
Proxecto Terra
Proxecto Terra
Actividades, Departamento de Lingua Galega, Excursións, Vicedirección

A TERRA CHÁ, DA MAN DE MANUEL MARÍA

Deixa un comentario

TerraCha01

 

Os grupos de 2º de ESO viviron os días 3 e 4 de marzo unha xornada pola Terra Chá dentro do programa Un día en Galicia do Servizo Municipal de Educación do Concello de Oleiros.

A actividade incluía a visita á Casa Museo de Manuel María en Outeiro de Rei, unha pequena ruta pola Reserva da Biosfera Terras do Miño, un itinerario ornitolóxico pola lagoa de Cospeito e un achegamento ao Miradoiro de Penas de Rodas. Este programa inicial tivo que adaptarse ás adversas condicións metereolóxica, algo de chuvia no primeiro día e continua o segundo, e por iso o día 3 non se fixo o itinerario ornitolóxico e o día 4 non foi posible acometer a ruta pola Reserva da Biosfera que foi substituida por unha visita a oleiría de Bonxe.

As xornadas realizáronse a iniciativa dos Departamentos de Bioloxía e Galego co obxectivo de aproximar ao alumnado a un espazo de gran valor ambiental, paisaxístico, artístico e etnográfico á vez que se achegaba á figura de Manuel María, poeta que protagoniza a celebración das Letras Galegas deste ano.

O alumnado participante na actividade nos dous días estivo fortemente implicado nas distintos contidos, seguindo con sumo interés todas as explicacións que se lles daba e realizando os traballos de observación prantexados polo que, ao remate da actividade, foron felicitados polo profesorado acompañante que tamén agradeceu a colaboración do persoal da Casa Museo de Manuel María e a dos dous técnicos en educación ambiental do colectivo CEM que presta servizo para a Concellería de Ensino e Xuventude de Oleiros.

Casa Manuel María
Casa Manuel María
Río Miño
Río Miño
Río Miño
Carballeria Sta Susana
Carballeria Sta Susana
Carballeria Sta Susana
Bonxe
Lagoa de Cospeito
Lagoa de Cospeito
Lagoa de Cospeito
Penas de Rodas
Penas de Rodas
Penas de Rodas
Penas de Rodas
Penas de Rodas
Penas de Rodas
Penas de Rodas
Penas de Rodas
Penas de Rodas
Actividades, Proxectos de Biblioteca

#Pascua

Deixa un comentario

pascua_Co gallo do centenario do alzamento de Pascua en Irlanda, un grupo moi numeroso de profesorado e alumnado do centro educativo acometeu un proxecto de biblioteca interdisciplinar que achegase ao alumnado o coñecemento da cultura irlandesa nos seus máis variados aspectos (botánica, mitoloxía, literatura, ciencia e curiosidades varias), adobado cunhas pingas de música irlandesa que culminaron coa interpretación de “Zombie”, de Cranberries. O teatro, a realización videográfica, a exposición oral, o monólogo, a interpretación musical e a declamación poética -mesmo en lingua de signos- foron métodos de achega a un espectáculo que cobrou vida grazas a unha moi significativa participación colectiva.
Unha vez máis, agradecemos a implicación do alumnado e profesorado neste proxecto.

 

Pascuap

Ver Presentación






Ver texto da de teatro

Actividades, Departamento de Xeografía e Historia

Visita a Santiago de Compostela

Deixa un comentario
Visita a Santiago Alumnado de Historia da Arte
Visita a Santiago
Alumnado de Historia da Arte

O 10 de marzo, o alumnado de Historia da Arte realizou unha saída a Santiago de Compostela onde visitaron á Catedral, incluíndo os tellados, e viron outros edificios significativos que permiten repasar fundamentalmente o estudado da arte románica e barroca. A xornada foi de día completo co transporte en tren.

 

Visita a Santiago Alumnado de Historia da Arte
Visita a Santiago Alumnado de Historia da Arte
Actividades, Departamento de Francés

VIII Échange Scolaire // Intercambio Escolar

Deixa un comentario
Intercambio Escolar 2016
Intercambio Escolar 2016

Un total de 43 alumnos de 2º, 3º, 4º ESO e 1º de Bacharelato participan no VIII ÉCHANGE SCOLAIRE que terá lugar entre os días 8 e 19 de abril. Estarán acompañados dos profesores Dona Isabel López Mariño , Don Juan Santamaría e Don Carlos Vidal .
Durante a estadía en Vannes (Francia), o alumnado do Neira Vilas fará diversas actividades : visita á rexión da Bretaña francesa ( Carnac, Quiberon , Mont Saint Michel, Saint Malo, etc.); tamén asistirán ás clases no Collège Notre Dame Le Menimur.
O alumnado BACHIBAC fará unha inmersión lingüística reforzada para a preparación da proba externa que realizarán estes alumnos no mes de maio de 2017. Ademais, para superar o DELF B2, asistirán a clases no Lycée.
A continuación efectuarase unha visita a París onde o alumnado de 4º da ESO e 1º de Bacharelato visitará o Museo do Louvre.
O intercambio rematará cunha visita a Eurodisney.

Actividades, Alumnos, Departamento de Orientación

Visita as facultades da Universidade da Coruña

1 comentario

O 4 de marzo o alumnado de 2º de bacharelato realizou esta visita, organizada polo departamento de Orientación, na que puideron coñecer as instalacións, funcionamento e contidos que se imparten en diversas facultades seguindo tres itinerarios distintos en función das preferencias do alumnado. Agradecer á Universidade a organización e atención prestada aos nosos alumnos e alumnas.

Visita Facultades 2º BACH
Foto realizada polo alumno Juan Tejedor de 2º de bacharelato
Actividades, Alumnos

Últimas saídas do alumnado de 4º ESO

Deixa un comentario

O 8 de xaneiro de 2016 tivemos unha visita ao Museo de Belas Artes da Coruña. O alumnado visitou a exposición dos gravados de Goya e realizou unha práctica de gravado. Estiveron acompañados polos profesores María Dans Sampedro e Jorge Carlos Calle López. Grazas a todo o persoal do museo pola boa atención prestada.
O 17 de febreiro o alumnado visitou a fábrica das patacas fritidas de Bonilla nunha saída organizada polo departamento de Economía. Os profesores Isabel López Mariño e Jorge Carlos Calle López acompañaron nesta ocasión ao alumnado. Grazas á fábrica pola visita, moi instrutiva para os nosos alumnos e alumnas.

Actividades, Alumnos, Equipo de Dinamización da Lingua Galega

Entroido 2016

Deixa un comentario
Entroido_1Premiados
Premiados no concurso de disfraces

Promovido polo Departamento de Dinamización Lingüística tiveron lugar, do 1 ao 5 de febreiro, diversas actividades relativas a esta festa tradicional.

Cada día da semana houbo unha proposta de disfraz e o venres celebrouse un concurso de postres e outro de disfraces acompañados de desfile e testamentos do Entroido.

Premios os mellores disfraces
1º Premio ao mellor disfraz individual:
  • Francisco Rodríguez Bedoya (3º de ESO) por “Torrente”.
2º Premio ao mellor disfraz individual:
  • Benjamín Coira Vázquez por “Señorita de compañía” (2º de ESO).
1º Premio ao mellor disfraz colectivo:
  • Breogán Fernández Moreira, José Vázquez Longueira e Guillermo Huelin García  (3º de ESO)  por “En un lugar de la Mancha”.
Premios aos mellores postres:
  • 1º Premio: Emy-Joy Hernández Direito (1º de ESO).
  • 2º Premio: Marta Martínez Novo (4º de ESO).
“Torrente” Francisco Rodríguez (ESO 3º)
“Señorita de compañía” por Benjamín Coira (ESO 2º).
“En un lugar de la Mancha” por Breogán, José e Guillermo (ESO 2º).
Xurado
Alumnado ESO 2ºA
Alumnado ESO 2ºB
Alumnas ESO 4º
Alumnado ESO 4º
Alumnas ESO 4º
Alumnas ESO 3º
Profes
Premios postres, Marta Martínez (ESO 4º)
Testamento ESO 1º
Testamento ESO 1º
Testamento ESO 1º
Testamento ESO 1º
Testamento ESO 3º
Alumnas ESO 3º
Salón de actos
Actividades

Hakaneira

1 comentario

O 18 de decembro de 2015, o IESP celebrou a macro-actividade #NeiraNunDía, unha co-participación da comunidade educativa ao longo de seis horas nas que o deporte, a investigación, a teatralización, a música, a chispa e o humor serviron para entrelazar aínda máis aos membros deste instituto.
Grazas a tod@s pola ilusión e o traballo amosado, en #NeiraNunDía, en Refuxiad@s e en #Hakaneira. Estas actividades reflectiron a variedade de aprendizaxes que ao longo dunha xeira se pode lograr.
Presentación de Refuxiad@s. Un video sobre campamentos de refuxiados no mundo. Un video sobre a leitura de “Cuando Hitler robó el conejo rosa“.
Presentación de #Hakaneira. Un video introdutorio.
Desexámosvos un moi Bo Nadal e próspero 2016, e facémolo lembrando a belísima panxoliña que profesores e alumnos prepararon para a ocasión, “Nadal de Luintra” .

Actividades, Alumnos, Biblioteca, Equipo de Dinamización da Lingua Galega, Xosé Neira Vilas

Homenaxe a Neira Vilas

Deixa un comentario

A nosa Comunidade Educativa celebrou un acto de lembranza e homenaxe a Xosé Neira Vilas o día 4 de decembro.

Interviu en primeiro lugar o director para salientar a honra de levar o seu nome e lembrar o agarimo que el sempre sentiu polo noso centro. Falou a continuación Xosé Carballude, como profesor e amigo que foi do egrexio escritor, para dar paso a continuación a unha ampla representación de nosa colectividade (alumnado, persoal non docente e familias) que leron diversos textos nas diversas linguas de orixe de todos eles. Interviu a continuación a Concelleira de Cultura e Normalización Lingüística de Oleiros e pechouse o acto con dúas actuacións musicais.