Arquivo da categoría: Curso Actual

Alumnado, Curso 2022-2023, Curso Actual, Departamento de Orientación

OBRADOIROS TALENTO MOZO

O  IES Neira VIlas foi un dos centros educativos seleccionados por parte da Conselleria de Educación para participar no programa educativo “TALENTOS MIOZOS”.  Un dos obxectivos do programa é visibilizar a creatividade e a innovación  impulsada por xente moza con experiencia en diferentes ámbitos profesionais  como a empresa, o deporte, a cultura e a creación, a ciencia ou o voluntariado.

Uxía Varela e Jacobo Lazcano foros os mozos que deron a coñecer as súas traxectorias académicas e profesionais para estimular e incentivar a análise e reflexión do noso alumnado. A charla-coloquio tivo lugar, o 5 de maio e asistiu o alumnado de 3º ESO.

Actividades, Alumnado, Biblioteca, Curso 2022-2023, Curso Actual

CELEBRACIÓN DO DÍA DO LIBRO

Este curso celebrouse o Día Internacional do Libro por todo o alto! Ao longo de toda a semana puidéronse coñecer as numerosas recomendacións literarias feitas polo alumnado, profesorado e PAS do centro expostas nun mural confeccionado polo equipo de biblioteca no andar baixo.

E o domingo, 23 de abril, pola mañá, tres representantes do noso club de lectura “O faiado de Balbino”, Inés Rucci, Óscar López e Sergio Domínguez, leron diversos fragmentos dalgúns dos seus libros favoritos na actividade organizada pola Librería Berbiriana da Coruña. As obras escollidas foron, respectivamente, “La historia interminable” de Michael Ende, “Non penses nun elefante rosa” de Antía Yáñez e “El bestario de Axlin”, primeiro tomo da triloxía “Guardianes de la ciudadela” de Laura Gallego. Moitas grazas a todxs pola participación!

Biblioteca, Curso 2022-2023, Curso Actual

A BIBLIOTECA RENOVA O SEU ESPAZO WEB

A información sobre a biblioteca dispoñible na páxina web do instituto vén de ser renovada e actualizada polo seu equipo. Desde esta semana poden consultarse nela as normas de uso da biblioteca e información detallada sobre a súa historia, os servizos que presta,os fondos que posúe, o enlace ao catálogo en liña e as numerosas actividades que desenvolve.

INFORMACIÓN BIBLIOTECA

Biblioteca, Curso 2022-2023, Curso Actual

DOAZÓN DE LIBROS EN FRANCÉS PARA A BIBLIOTECA

O pasado 16 de marzo a biblioteca do Instituto recibiu unha cuantiosa doazón de libros en francés, que se unen á sección nesta lingua, tan importante no centro. Os exemplares eran propiedade de Argentina Rivadulla Bao, coruñesa de nacemento, que viviu a maior parte da súa vida entre Francia e Dubai e que nos últimos anos foi veciña de Perillo. O seu gusto pola lectura levouna a posuír unha gran colección de libros en francés, cuxo destino debía ser, segundo a súa vontade, seguir alimentando a cultura, a imaxinación e a formación de novos lectores tras o seu pasamento, producido en abril de 2022. Cumprindo a promesa que lle fixeran, os seus herdeiros entregaron á biblioteca todos estes volumes, que se conservarán e disfrutarán en lembranza desta xenerosa veciña e da súa familia. Merci beaucoup!

Actividades, Curso 2022-2023, Curso Actual, Departamento de Xeografía e Historia

UN DÍA EN GALICIA CON 2º ESO

O pase de diapositivas require JavaScript.

Os días 27, 29 e 30 de marzo o alumnado de 2º ESO disfrutou dunha saída promovida polo Departamento de Xeografía e Historia e organizada polo Concello de Oleiros en colaboración coa CEM. Desta volta tiveron a oportunidade de coñecer as Fragas do Eume a través dunha andaina pola súa natureza e o seu patrimonio, así como a vila de Pontedeume. Moitas grazas a todos/as pola vosa participación e interese!

Actividades, Curso 2022-2023, Curso Actual, Departamento de Xeografía e Historia

Un día en Galicia con 3º ESO

Os días 21 e 22 de marzo o alumnado de 3º ESO visitou Santiago de Compostela no marco do programa “Un día en Galicia” do Concello de Oleiros. A actividade, promovida polo Departamento de Xeografía e Historia, contou coa guía de Marta e Ana e permitiu ao alumnado coñecer un pouco mellor a cidade compostelá, desde algunhas das súas zonas verdes e parques ata o casco vello, a catedral ou o Museo do Pobo Galego.

Actividades, Curso 2022-2023, Curso Actual, Departamento de Orientación

MOZAS E MOZOS REFERENTES

O pasado luns, día 13 de marzo, Alexia Boquete, Inés Salcines e Daniel Turiño estiveron co alumnado de 4º de ESO para amosarlles os camiños que transitaron ó longo da súa vida académica e profesional.
Todos eles, son colaboradores do proxecto Libolis que consiste en Charlas-Obradoiro para poñer en valor o esforzo e a traxectoria a seguir,  ata chegar a acadar unha meta profesional. Este proxecto desenvólvese grazas a colaboración do concello de Oleiros.
Curso 2022-2023, Curso Actual, Departamento de Xeografía e Historia, Excursións

Un día en Galicia con 1º ESO

O pase de diapositivas require JavaScript.

Os días 14, 15 e 16 de marzo o alumnado de 1º ESO disfrutou dunha xornada de descubrimento e aprendizaxe no Castro de Viladonga e na cidade vella de Lugo grazas ao programa “Un día en Galicia” do Concello de Oleiros. A actividade, promovida polo Departamento de Xeografía e Historia, contou coa marabillosa labor de Marta, Ana e Fran, os/as monitores/as que sempre nos guían nestas saídas. Moitas grazas a elas e tamén ao Museo do Castro de Viladonga, polo seu caloroso recibimento!