Arquivo da categoría: Actividades

HUMANO

logo_humano_presentacionVen sendo tradición que o último día do primeiro trimestre se convirta nunha exaltación do #OrgulloNeira, coa colaboración sempre magnífica entre alumnado e profesorado para dar saída aos produtos finais dos proxectos interdisciplinares de cada ano.

O 21 de decembro de 2016, unha programación multidisciplinar que contou coa colaboración da totalidade de departamentos do IES Plurilingüe Neira Vilas puxo en marcha unha xeira que incluíu:

1) a xincana #NeiraNunDía (coa realización de actividades diversas, coordinadas polo alumnado de 1º Bacharelato e 3º ESO, incluíndo probas lingüísticas, matemáticas, físico-químicas, deportivas, artísticas, xeográfico-históricas, de baile e científicas -coa especial elaboración de cocktails sen alcohol-);

2) o concurso #NeiraMannequin, no que participaron todos os grupos de ensino secundario obrigatorio, e finalmente gañado polo alumnado de 1º ESO da materia “Investigación e tratamento da información”;

3) o espectáculo #Humano, no que a participación do alumnado foi ben variada e diversa, con presentacións sobre o ser humano explorador, as teorías da poboación [texto], a evolución humana, os dereitos humanos, as diversas teatralizacións sobre a torre de Babel e o especificamente humano, a leitura de poemas en linguas estranxeiras. Para finalizar o espectáculo, a música tomou corpo con interpretacións do recente premio Nobel de Literatura Bob Dylan (“Blowin’ in the wind” e “Don’t think twice,…”), o rap -que volve con forza a este centro despois de anos de espera-, e unha panxoliña de Nadal que xa se está a converter nun clásico no noso centro educativo: “Nadal de Luintra”. Consultade a presentación do acto e ollade o video introdutorio.

Agradecemos a colaboración de toda a comunidade escolar neste día no que todos contribuímos a realizar unha obra tan coral. Non será a última, de seguro, mais agora convén felicitarnos pola extensísima participación deste ano. “Traballar en equipo divide o traballo e multiplica os resultados”. Grazas.

Concedida subvención Concello de Oleiros

O Concello de Oleiros vén de conceder  unha subvención de 5572 € ao noso centro polos seguintes conceptos:

“Actividades didácticas e culturais (representacións teatrais, viaxes a entidades, museos e exposicións, concertos, actividades deportivas, viaxe cultural a Bruxelas, intercambio escolar con Collége Notre Dame le Ménimur-Bachibac 7 alumnos/as) para 278 alumnos-as, viaxe fin de etapa para 17 alumnos-as a Barcelona e 7 alumnos e alumnas de Bachibac”.

Memoria de actividades 2015-2016

No remate do curso 2015-2015 presentouse ao Consello Escolar e ao Claustro do Profesorado a Memoria de Actividades Complementarias e Extraescolares desenvolvido.

Resalta no mesmo o forte asentamento dun bo número de propostas, o inicio dun novo proxecto coas performances coas que se remata cada un dos trimestres e o continuado apoio que recibimos desde o Concello de Oleiros que oferta un bo número de actividades e da o seu apoio ao resto.

Mini e Mero cantan no IESP Xosé Neira Vilas

Mini e Mero
Mini e Mero

O dia 20 de xuño, os músicos Mini e Mero darán un concerto para o alumnado e profesorado. Interpretarán poemas de autores galegos como Manuel María e Xosé Neira Vilas. O concerto quere homenaxear a Manuel María, autor ao que se lle dedica o Día das Letras Galegas este ano, e tamén para festexar o fin de curso.

O Carro de Manuel María.

 

Graduación 2º Bacharelato 2015-2016

graduacion 2016O venres 27 de maio tivo lugar no auditorio do centro cultural A Fábrica  o acto de graduación da promoción de 2º Bacharelato 2015-2016, ao que asistiron alumnado, pais e representantes da comunidade educativa, así como o Alcalde do concello de Oleiros e unha representante da Embaixada de Francia. A xornada -presidida polo director Agustín Fernández Gago- desenvolveuse nun ambiente festivo, cos discursos por parte do alumnado (Mencía Resch Pérez e Manuel Bérmudez Pillado),  das nais e pais (Marta Rey García) e do profesorado (Julia Fernández Seguín) da representante da embaixada de Francia (Nuria Vivancos-Aligant) e do alcalde  (Angel García Seoane).graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016 graduacion2016

 

Viaxe fin de etapa

X-I-3

Un grupo de alumn@s de 4º de ESO protagonizan, do 17 ao 21 de xuño, a súa viaxe de Fin de Etapa.

Durante ese días estarán en Barcelona con visitas ao Museu Nacional d’art de Catalunya (sección de arte románico), á Sagrada Familia e a L’Aquàrium e rutas polo Barrio Gótico e o Modernista. Dedicarán unha xornada para visitar o Teatro-Museo de Dalí en Figueres e concluirán con dúas xornadas en Port Aventura.

Nesta vaixe irá acompañados de dous profesores e este é o programa completo.

 

Visita ó museo arqueolóxico

Visita Museo Arqueolóxico
Visita Museo Arqueolóxico

O día 20 de Abril, e despois da visita preparatoria de marzo, o grupo de monitores acompañou ó resto do alumnado de primeiro da ESO ó museo arqueolóxico de San Antón para explicar os principais obxectos alí expostos e a realización de actividades prácticas, entre elas, coa catalogación das pezas, para rematar coa presentación  dunhas actividades didácticas a realizar despois da visita.

O grupo de monitores e comisión de orde estivo composto por: Mario Badini, Aitor Ares, Darian López Minero, Antía Noya, Mara Pereira, Clara Graña, Nadia  Boughaba , Edher Ramos e Javier Moya

Día da Ciencia na Rúa 2016

A capacidade comunicativa do noso alumnado mantivo a xaima chea de público
A capacidade comunicativa do noso alumnado mantivo a xaima chea de público

O pasado sábado, 7 de maio, o noso centro participou no XXI Día da Ciencia Na Rúa. Dende as 11 da mañá ata as  7  da tarde unha nutrida representación do  alumnado do centro presentou ao público asistente unha colección de actividades e experiencias que trataban de popularizar e desmitificar o coñecemento científico.

O capacidade de comunicación  do alumnado e a súa facilidade para adaptar as explicacións á idade dos visitantes mantiveron a nosa xaima sempre chea de visitantes.

Participantes

Alumnado : Daniel Alba Pascoal, Lucía Arce Fernández, Alejandro Basante Díaz , Javier Castro Iglesias, Diego Chenlo Portabales, Rubén Digón Louzara, Martín Fernández-Obanza Durán, Lucía Flórez Bustad, Antía González Fernández, Marta Martínez Novo, Pepa Mata Varela, Emilia Oróns Vázquez, Miguel Pozo González, Cesar Resch Pérez, Alba Rouco Prieto, Iago Ruibal Lago, Uxía Sabrojo Catoira, Guillermo Astor Torres Lamas, Adrián Vázquez Pintor, Marcos Vázquez Rubín.

Profesorado : Jesús Antonio Curros López  e Laura Fernández Villarino  do Departamento de Física e Química,   Xosé Rodríguez Rodríguez  do Departamento de Tecnoloxía e Ramón Romero Pardo e Antonio Varela Caamaño, profesores eméritos do departamento de Física e Química.

Actividades presentadas

Cartel de Ciencia na Rúa 2016
Cartel de Ciencia na Rúa 2016
  • O aire esmaga unha lata de refresco
  • Una figura de papel imposíbel de realizar
  • O sistema binario e máis eu adiviñámosche o numero pensado
  • Un programa de ordenador telépata
  • Unha fonte sin fin
  • Nitinol: un metal con memoria de forma
  • Ensaios á chama e a composición das estrelas
  • Un detector de luz infravermella no bolso.
  • Experiencias no baleiro
  • Impresora 3D. Deseña e imprime o teu chaveiro
  • Fabricando unha gaiola de Faraday na casa

Proxecto Terra

Proxecto Terra
Proxecto Terra

Os días 1 e 2 de abril, alumnado de 3º e 4º ESO participaron nun novo intercambio do Proxecto Terra, neste caso a Ferrol e as Fragas do Eume.
Acompañados por Sandra Pérez Coto e Jorge Carlos Calle López, visitaron o primeiro día Ferrol, primeiro cunha actividade na aula de Ecoloxía Urbana e despois na Exposición Nacional da Construción Naval. Tras un percorrido en barco pola ría, con parada en Mugardos para xantar, a tarde completouse coa visita ao castelo de San Felipe e un percorrido polo barrio da Magdalena.
O aloxamento foi no albergue Albarelle, exemplo de bioconstrución e de establecemento comprometido coa conservación do Medio Natural. O segundo día consistiu en actividades nas Fragas do Eume e visita ao Museo Etnográfico da Capela.
Agradecer ao Proxecto Terra a boa organización e atención prestada ao noso alumnado

A TERRA CHÁ, DA MAN DE MANUEL MARÍA

TerraCha01

 

Os grupos de 2º de ESO viviron os días 3 e 4 de marzo unha xornada pola Terra Chá dentro do programa Un día en Galicia do Servizo Municipal de Educación do Concello de Oleiros.

A actividade incluía a visita á Casa Museo de Manuel María en Outeiro de Rei, unha pequena ruta pola Reserva da Biosfera Terras do Miño, un itinerario ornitolóxico pola lagoa de Cospeito e un achegamento ao Miradoiro de Penas de Rodas. Este programa inicial tivo que adaptarse ás adversas condicións metereolóxica, algo de chuvia no primeiro día e continua o segundo, e por iso o día 3 non se fixo o itinerario ornitolóxico e o día 4 non foi posible acometer a ruta pola Reserva da Biosfera que foi substituida por unha visita a oleiría de Bonxe.

As xornadas realizáronse a iniciativa dos Departamentos de Bioloxía e Galego co obxectivo de aproximar ao alumnado a un espazo de gran valor ambiental, paisaxístico, artístico e etnográfico á vez que se achegaba á figura de Manuel María, poeta que protagoniza a celebración das Letras Galegas deste ano.

O alumnado participante na actividade nos dous días estivo fortemente implicado nas distintos contidos, seguindo con sumo interés todas as explicacións que se lles daba e realizando os traballos de observación prantexados polo que, ao remate da actividade, foron felicitados polo profesorado acompañante que tamén agradeceu a colaboración do persoal da Casa Museo de Manuel María e a dos dous técnicos en educación ambiental do colectivo CEM que presta servizo para a Concellería de Ensino e Xuventude de Oleiros.