Arquivos da etiqueta: Patricia Varela

Semana das Letras 2020

Este ano, a Semana das Letras terá que ser #NaCasa. Mais, desde alí, o alumnado non deixa de traballar, en colaboración coa profesora Patricia Varela. En 2020 homenaxeamos a Ricardo Carvalho Calero.

D. Ricardo é un autor de extremada importancia nas nosas letras, que serviu de inspiración e de rosa dos ventos para tod@s aqueles que nos dedicamos neste momento a transmitir o amor pola lingua e a nosa literatura. Sen el, o panorama das letras galegas non sería tan interesante nin tan amplo como é.

A súa poesía, gran descoñecida moveu parte das nosas actividades, pasade e escoitade os seus poemas musicados ou os videopoemas realizados polas nosas alumnas.

Malia a que o COVID fixo que a Real Academia Galega trasladase ao mes de outubro a celebración na honra de D. Ricardo Carvalho Calero, o alumnado de 3º ESO do IES Neira Vilas quixo renderlle homenaxe con varias actividades lúdicoinformativas realizadas durante a corentena.

Poesía curativa

O alumnado de 3º ESO, coa profesora Patricia Varela, elaborou unha serie de poesías curativas contra o confinamento. Invitámosvos a descubrilas nesta ligazón ISSUU.

Visita a Compostela

O alumnado de 3º ESO e 1º Bacharelato visitou o 3 de marzo de 2020 a cidade de Compostela para realizar varias actividades.

Por unha banda, o alumnado de 3º ESO realizou un roteiro pola cidade, deténdose en lugares significativos -nos que o propio alumnado actuou de cicerone. Tamén visitaron a exposición que inaugura o #Xacobeo21, “Galicia, un relato no mundo”, na Cidade da Cultura -a esta actividade tamén acudíu o alumnado de 1º Bacharelato.

O alumnado de Bacharelato visitou ademáis o restaurado Pórtico da Gloria. Finalmente, unha semana e un día despois da conmemoración do “Día de Rosalía”, todo o alumnado se rendeu no Panteón de Galegos Ilustres para honrar á nosa excelsa poetisa.

En suma, foi un día de experiencias e aprendizaxes intensas.

Teatro en Mera

Boa parte do alumnado de ESO e Bacharelato do noso IES asistiu á representación dunha obra baseada no texto Made in Galiza, de Sechu Sende (no auditorio García Márquez de Mera, en colaboración co concello de Oleiros). O alumnado recibiu de agasallo cadanseu exemplar de dito libro.

Os Quinquilláns adaptaron o libro e fixéronnos reflexionar sobre actitudes e prexuízos lingüísticos que vemos a diario.

Festa de outono

O luns 11 de novembro, o IES celebrou a súa festa de outono 2019, cunha colaboración significativa de alumnado e profesorado. As actividades, variadas, incluíron unha serie de relatos e conxuro de magosto, ademáis dunha explicación das orixes do Samaín [ver PDF]; unha serie de cartaces aleccionadores sobre a festa do magosto, un obradoiro de cabazas de papel -levado a cabo polo alumnado de 1º Bach.-, unha serie de xogos populares e o propio magosto -que permitíu degustar castañas á comunidade educativa.

Podedes ver algúns intres da celebración nesta ligazón.

Aquel neno…

Sumándonos á convocatoria da Fundación Xosé Neira Vilas, que tivo a ben conmemorar o 3 de novembro como o “Día Neira Vilas”, o alumnado do centro participou na lectura de extractos do libro “Aquel neno”. Os destinatarios foron principalmente 1º ESO A e 1º ESO B. A actividade, coordinada polo noso compañeiro Alberto Pombo, contou coa participación e colaboración do equipo da Biblioteca escolar do centro.

Video.

Concurso de inglés

Concurso de Inglés
Concurso de Inglés

Gracias a unha iniciativa do Departamento de Inglés do noso Instituto, levouse a cabo un concurso, do que, a primeira fase realizouse a través de internet. Cada dúas semanas, o Departamento de Inglés poñía na súa páxina un Quiz baseado na procura de respostas ás diferentes preguntas, mediante buscadores como Google. Os participantes sumaban puntos durante os 4 Quiz realizados.

Os meus compañeiros de 3ºB, Noelia Vaamonde, Carlota Golmayo e Francisco Martínez, fixeron carteis nos que lembraban as datas de envío das respostas.

Os 10 alumnos que acadaron maior puntuación pasaron á final que se celebrou na sala de ordenadores do instituto, supervisado polos profesores do departamento. O concurso xerou boas expectativas e os estudantes sentíronse atraídos e decidíronse a concursar, aínda que, como xa se mencionou, só entrarían na final os 10 concursantes coas maiores puntuacións.

Así chegou o día 29 dem Abril no que se levou a cabo a primeira final, e digo a primeira final porque houbo un triplo empate e decidiuse unha segunda final para o desempate, e así se realizou a segunda final o día 6 de maio, e se coñeceu o terceiro posto, non así o primeiro e o segundo, xa que de novo houbo empate. A final definitiva realizaríase o día 13 de maio polo cal no momento de estar escribindo este artigo, aínda non se realizou esa gran final que será distinta as anteriores, xa que se fará por Morte Súbita: o primeiro en fallar quedará en segundo lugar.

Para este concurso, o Departamento contaba con dous premios de 45 euros e 30 euros, para o primeiro e segundo clasificados respectivamente, pero ao producirse ditos empates, o Departamento decidiu engadir un terceiro premio de 20 euros para que o terceiro finalista non quedara sen recoñecemento.

Ao final, a gañadora foi Cristina Núñez de 4ºB de ESO, o segundo lugar ocupouno Marco García de 3ºB de ESO e o terceiro Unai Leceta de 1ºB de Bacharelato. Tamén recibiron un recordo da súa participación -unha película en DVD- os outros sete finalistas: Patricia Varela e Alberto Domínguez de 1º de Bacharelato, Laio Fernández de 2º de ESO, Iris López de 4º de ESO, Lidia Pedreira e Eugenia Medina de 2º de Bacharelato e Gonzalo García de 1º de ESO.

[Texto de Marco Antonio García , 3ºB da ESO]