Arquivo da categoría: Alumnos

Actividades extraescolares non organizadas por un departamento, como as excursións de fin de curso ou as ceremonias de graduación.

Actividades, Alumnos, Curso 2019-2020, Departamento de Xeografía e Historia, Inmersión lingüística

Inmersión lingüística

Deixa un comentario

Do 7 ao 13 de marzo de 2020 tivo lugar a viaxe de inmersión lingüística levada a cabo por 13 alumnas e alumnos de Bachibac 1, consistente na estadía en Nantes e nas aulas do lycée polyvalent Raphaël Elizé de Sablé-sur-Sarthe, localidade do pays de la Loire.

Aparte da experiencia de coñecer a cidade de Nantes, o casco histórico de Le Mans e a abadía de Solesmes, esta #InmersiónLingüística_NV permitíu ao alumnado a integración nas aulas de diferentes disciplinas para fomentar a aprendizaxe cotiá da lingua francesa como experiencia consecuente co desenvolvemento dos seus estudos Bachibac.

Actividades, Alumnos, Biblioteca, Curso 2019-2020, Departamento de Economía, Departamento de Filosofía, Departamento de Latín e Grego, Departamento de Lingua Castelá

Semana da Muller 2020

Deixa un comentario

A Semana da Muller 2020 é momento de lembranza do papel das mulleres en diversos campos: na ciencia, na literatura, na economía, na vida… por parte de diversos departamentos e profesorado, ademáis da Biblioteca do centro escolar.

O alumnado de 2º ESO, ademáis, leu en grupo e criticamente a obra “La Cenicienta que no quería comer perdices” -obra que moderniza o conto de Cenicienta, en Valores Éticos. Isto servíu para traballar os estereotipos de xénero en torno ao machismo.

Actividades, Alumnos, Curso 2019-2020, Departamento de Lingua Galega, Departamento de Xeografía e Historia

Visita a Compostela

Deixa un comentario

O alumnado de 3º ESO e 1º Bacharelato visitou o 3 de marzo de 2020 a cidade de Compostela para realizar varias actividades.

Por unha banda, o alumnado de 3º ESO realizou un roteiro pola cidade, deténdose en lugares significativos -nos que o propio alumnado actuou de cicerone. Tamén visitaron a exposición que inaugura o #Xacobeo21, “Galicia, un relato no mundo”, na Cidade da Cultura -a esta actividade tamén acudíu o alumnado de 1º Bacharelato.

O alumnado de Bacharelato visitou ademáis o restaurado Pórtico da Gloria. Finalmente, unha semana e un día despois da conmemoración do “Día de Rosalía”, todo o alumnado se rendeu no Panteón de Galegos Ilustres para honrar á nosa excelsa poetisa.

En suma, foi un día de experiencias e aprendizaxes intensas.

Actividades, Alumnos, Curso 2019-2020, Departamento de Bioloxía e Xeoloxía

Laboratorio aberto na DOMUS

Deixa un comentario

O alumnado de 4º ESO de Bioloxía participou hoxe no “laboratorio aberto” sobre a revolución biotecnolóxica, que cada ano académico organiza a DOMUS de A Coruña.

Alí estiveron a traballar, este 3 de marzo, como enxeñeiros xenéticos, para fabricar -con bacterias- unha proteína eficiente que sirva para eliminar de xeito máis eficaz o colesterol responsable da arterioesclerose.

Actividades, Alumnos, Curso 2019-2020, Departamento de Orientación

Nanociencia e nanotecnoloxía

Deixa un comentario

Hoxe estivo connosco Moisés Canle, da UDC, que presentou unha nova titulación -Nanociencia e nanotecnoloxía, que iniciará o seu andar no vindeiro curso académico, ao alumnado de bacharelato de Ciencias. Esta titulación só se pode cursar de momento na UAB, e prevese unha cantidade de prazas limitadas a 50.

O profesor Canle presentou algunhas das aplicacións que pode ter a nova titulación, no eido da cosmética, as máquinas moleculares,… A nanociencia consiste na manipulación de partículas de tamaño ínfimo, co obxecto de cambiar as súas propiedades.