Do 26 ao 31 de xaneiro de 2020 tivo lugar, na estación de Formigal, a realización da #SemanaBranca con alumnado de 3º e 4º ESO e 1º Bacharelato. Un total de 32 alumn@s esquiaron e exploraron Jaca, e case tod@s superaron o nivel intermedio, recibindo o diploma correspondente!!! Baixaron tod@s as pistas azuis e algúns/has atrevéronse coas vermellas; tamén fixeron o circuito “funny track”, con diversas probas. Con folgos renovados, regresan ás aulas para reemprender o curso académico.
Arquivo da categoría: Actividades
Curso de mediación
Entre os meses de decembro de 2019 e xaneiro de 2
020, na Casa da Cultura de Perillo, realizouse o curso de mediación para alumnado de 1º ESO. Comezaron o mesmo 21 alumn@s, e rematárono 11 -obtendo o diploma que lles faculta para exercer como mediadoras/es no noso IES.
As 6 sesións do mesmo foron impartidas por unha psicóloga de ADAFAD, asociación que colabora co noso equipo de mediación xa non por primeira vez.
L’Europe en scène
Ven de arrancar, cunha estadía de docentes de 3 países (Francia, Portugal e España) en Sablé -sur-Sarthe, o proxecto #ErasmusPlus “L’Europe en scène…”.
Nesta mobilidade planificáronse as actividades e desprazamentos que concernerán ao alumnado dos tres centros educativos implicados: lycée polyvalent Raphaël Elizé de Sablé-sur-Sarthe -próximo a Solesmes, Agrupamento de Escolas Damiäo de Goes (Alenquer) e IES Plurilingüe Xosé Neira Vilas (Oleiros).
O proxecto -que implicará a creación e representación dunha obra de teatro en francés por parte do alumnado das tres nacionalidades en Sablé no ano 2021 (24 alumnas e alumnos, 8 por cada Estado concorrente), espera contar tamén co asesoramento da Houlala Compagnie e implicará o desprazamento de alumnado do noso centro educativo -coa finalidade de levar a termo o produto final- ao centro portugués e francés.
As mobilidades de alumnado comezarán en marzo de 2020 e darase cumprida información ás aulas e familias.
- Segunda mobilidade (primeira con alumnado).
Converxencias Arte e Ciencia
O alumnado de Técnicas de Laboratorio de 1º Bacharelato visitou, o martes 21 de decembro, as instalacións do Centro Sociocultural Agora de A Coruña, para enriquecer a súa aprendizaxe na exposición Converxencias Arte e Ciencia organizada por IGACIENCIA e o Servizo Municipal de Educación do Concello da Coruña. Durante o transcurso da xornada o alumnado participou en diversas actividades:
- Unha charla, que analiza en profundidade o método compositivo e a cor en obras de estilo cubista, especialmente nas do pintor de Juan Gris.
- Unha exposición de obras de arte de impresión 3D, deseñadas por Manuel Regueiro.
- Unha serie de paneis informativos sobre elementos científicos e matemáticos presentes no noso patrimonio artístico: fractais, cúpulas xeodésicas, mosaicos, ilusións ópticas….
- Un conxunto de obradoiros manipulativos, para implementar a parte expositiva manipulando mosaicos, simetrías, bandas de Mohebius, espirais de Fibonacci…
Todos estes elementos están elaborados coa finalidade de difundir a ciencia e da cultura científica na sociedade, para mostrar as sinerxias e vínculos entre a arte e a ciencia.
Unha tarde de cine
Un total de 74 alumnas e alumnos de 4º ESO e 1º Bacharelato tiveron a oportunidade de disfrutar dun ensino da historia “diferente” e “alternativo”, a partir do visionado do film de Sam Mendes “1917”, este luns 20 de xaneiro, nos cines Yelmo de Espacio Coruña.
Visita ao campus de Ferrol
O alumnado de de 1º Bacharelato de Ciencias visitou, o venres 17 de xaneiro, con motivo do día da enxeñaría, o campus de Ferrol, pertencente á UDC. Durante o transcurso da xornada o alumnado puido realizar diversas actividades:
– Unha visita guiada á planta baixa do Exponav, adicada á Historia da Construcción Naval. Fixeron un percorrido polas diversas técnicas de construcción e os servicios mais esenciais dun buque.
– Una visita ás Escolas politécnica superior de Esteiro (EPS) e a escola universitaria politécnica (EUP) de Serantes onde os estudiantes visitaron os principais laboratorios, e se organizaron actividades co fin de mostrar o traballo que se leva a cabo nestes polos distintos grupos de investigación. Entre outros, puideron ver os laboratorios de enxeñaría eléctrica e electromécánica, observar un tanque de ensaios hidrodinámicos, simulación de máquinas e vehículos, aplicacións do láser, robótica autónoma ou a automatización da “Lights Out Factory”.
A xornada completouse cunha comida no campus e un paseo polo casco vello da cidade.
Distópico
20 de decembro de 2019: xincana e performance. O tema, a distopía. Introdución de bardo [texto do poema, autoría de Marcos Vázquez], curtametraxe do noso alumnado, presentación sobre distopías e científicas europeas, momento Frozen, panxoliña, momento Wham!.
- Olla a presentación aquí… Porque #haimensaxe.
Gravado e ambiente
Na derradeira semana do trimestre, o departamento de Xeografía e Historia organizou dúas saídas á cidade de A Coruña para visitar dous lugares emblemáticos: o Museo de Belas Artes e a Fundación ABANCA.
No Museo de Belas Artes, nunha visita xa habitual, o alumnado de 4º ESO aprendeu as técnicas do gravado e coñeceu de perto a obra de Goya como gravador.
Na Fundación ABANCA, o alumnado de 4º ESO coñeceu unha exposición baseada nunha serie de Netflix, “O noso planeta”, e participou nun obradoiro sobre comunicación para concienciar sobre os problemas do planeta no que vivimos hoxe en día.
Velaquí algunas fotos destas actividades.
Bodi-Box 2019
Coa colaboración do Concello de Oleiros, o alumnado de 1º ESO ten disfrutado ao longo deste mes de decembro dunha sesión de Bodi-Box na piscina de Perillo. Complétase así o ciclo de actividades deportivas para a ESO deste trimestre. Velaquí algúns momentos destas actividades.
Accións EDLG
A mocidade do IES Neira Vilas vén de se organizar, através do incipiente colectivo Galeguiza-T, para promover o uso da lingua galega e rachar os preconceptos artellados arredor dela.
Inseridos no Equipo de Dinamización Lingüística, escolleron como acto de presentación a realización dunha conferencia no Salón de actos do centro ministrada por eles propios para alumnado dos cursos comprendidos entre 3º de Eso e 1º de Bacharelato.
O obxectivo: Tronzar en chave xeracional os estereotipos artellados arredor do uso da lingua.
Teo, Lucas, Marcos, Edu e Danick -de 17 anos- ofreceron un repertorio de recursos audiovisuais sobre os que se posicionaron criticamente: Galego nos medios, galego e audiovisual ou tratamento histórico da identidade galega que culminou cunha análise en chave individual feita por Danick, na que explicou o seu proceso de identificación dos prexuízos.
A resposta do alumnado foi inmediata e, a divulgación de varios vídeos nas redes sociais contribuíron para que outros centros se puxesen en contacto co colectivo, co intuito de convidalos a realizar a palestra nos seus centros.
Así, para este mes de decembro, preparan xa unha nova intervención no IES María Casares. Outros membros do colectivo visitarán, xa en 2020, a escola Valle Inclán para falar co alumnado de 6º de primaria.
O límite márcano eles e elas, e as accións continúan. Permanezan atentas!