Do 29 ao 31 de maio o alumnado de 2º de ESO participa na actividade Camiño de Santiago en Barreiros (Sarria).Esta actividade realízase dentro do programa Aprender na Natureza promovido polo Servizo Municipal de Educación do Concello de Oleiros
Arquivo da categoría: Curso
CONCURSO A TÁBOA PERIÓDICA E GALICIA
Os carteis presentados por tres alumnas de 3º de ESO: Ada Agasar, Marta Cabo e Cristina Vázquez, foron seleccionados entra os 30 finalistas do concurso Táboa Periódica e Galicia, organizado pola Facultade de Química da USC.
O día 24 de maio acudiron á citada facultade de Santiago para expoñer os seus carteis e participar no acto de entrega de agasallos. Seguir lendo CONCURSO A TÁBOA PERIÓDICA E GALICIA
ENCONTROS NA NATUREZA: O COUREL
Do 22 ao 24 de maio o alumnado de 1º de ESO ten a oportunidade de participar nunha actividade medioambiental nun entorno natural privilexiado: A Serra do Courel. Esta actividade realízase dentro do programa Aprender na Natureza promovido polo Servizo Municipal de Educación do Concello de Oleiros
PROXECTO TERRA
O alumnado de 3º de ESO participou na actividade intercultural do Proxecto Terra, cunha estancia en Guimaraes durante os días 21 e 22 de maio. O alumnado tivo a oportunidade de visitar esta hermosa cidade, inerpretando o seu patrimonio histórico, cultural e arquitectónico. Seguir lendo PROXECTO TERRA
GRADUACIÓN 2º BACHARELATO 2018/2019
O xoves 16 de maio celebrouse no Auditorio Gabriel García Márquez de Mera a graduación do alumnado de segundo de bacharelato. Despedimos neste acto a unha promoción de estudantes que rematan a súa escolaridade no IES Plurilingüe Xosé Neira Vilas formados como persoas responsables e críticas, preparados para a nova etapa que comenzan. Seguir lendo GRADUACIÓN 2º BACHARELATO 2018/2019
FELICITACIÓNS AO ALUMNADO BACHIBAC
En nome de toda a comunidade educativa, queremos felicitar aos estudantes da promoción Bachibac 2019, que recibiron na data de hoxe os resultados da Proba Externa do BACCALAURÉAT (Bacharelato Francés), superada por todos eles con excelentes resultados. Facemos extensiva a citada felicitación ao profesorado implicado no programa.
Desexámoslles unha feliz andadura nesta nova etapa que agora comezan. Noraboa!
LIBROS CRUZADOS
O Equipo da Biblioteca do instituto organizou un intercambio de libros, como actividade de fomento da lectura. Os libros foron recollidos entre o 6 e o 10 de maio e, no primeiro tempo de lecer do día 14 de maio, o alumnado participante recolleu os seus novos exemplares.
GALICIENCIA 2019
Un grupo de 23 alumnos e alumnas do instituto visitou na mañá do 10 de maio os stands de Galiciencia na Tecnópole de Ourense. Alí coñeceron diversos proxectos científicos levados a cabo en centros de ensino galegos e doutras CCAA, nos que a posta en práctica de aplicacións móbiles para a realización efectiva de deporte de cara a previr enfermidades cardiovasculares, a posta en marcha dun alcoholímetro dixital co obxecto de previr unha condución temeraria ou a erradicación das velutinas a través dun fungo que resulta mortal para elas tiveron acollida especial entre o xurado do certame e entre o noso propio alumnado. Outras moitas experiencias enriqueceron a visita. Seguir lendo GALICIENCIA 2019
CIENCIA NA RÚA 2019
O sábado 4 de maio celebrouse no parque de Santa Margarida a XXIV edición do “Día da Ciencia na Rúa”, actividade organizada pola Asociación de Amigos da Casa das Ciencias.
Un ano máis, o IES Plurilingüe Xosé Neira Vilas estivo presente nunha das carpas da citada celebración, coa participación dun numeroso grupo de estudantes, coordinados polas profesoras María Blanco e María José Fandiño. Seguir lendo CIENCIA NA RÚA 2019
VIAXE EUROPEA 2019
Os participantes na Viaxe Europea chegaron a Atenas a primeira hora da mañá do día 28 de abril. Forman parte desta expedición, de enriquecemento cultural, 55 estudantes de diferentes cursos (de tódolos niveis de ESO e 1° de bacharelato) e cinco docentes: Jorge Calle López, Xosé Antón García González, Pilar Morandeira Roel , Francisco Rodríguez e Carlos Vidal López. Seguir lendo VIAXE EUROPEA 2019