Arquivo da categoría: Departamento de Física e Química

Concurso de fotografía: A Lúa

Convócase a segunda edición do Concurso  de fotografía do IES Pluringüe Xosé Neira Vilas que, nesta convocatoria, ten coma eixo central “A Lúa”. O prazo de presentación de imaxes estará aberto ata o vindeiro 19 de decembro.

Animamos a toda a comunidade educativa a participar nesta actividade englobada no Proxecto da Biblioteca.

Seguir lendo Concurso de fotografía: A Lúa

INTERCAMBIO CO SCHULE EINS DE BERLÍN

BerlínO pasado martes 2 de outubro rematou o intercambio de 4º de ESO co Schule Eins de Pankow (Berlín). Durante estas dúas semanas o noso alumnado realizou diversas actividades educativas, culturais, deportivas e de ocio; tanto en Alemaña coma na nosa contorna. Dende a dirección do instituto agradécese  a excelente acollida das familias e a boa actitude dos estudantes durante todo o intercambio.

Día da Ciencia na rúa

O sábado 5 de maio celebrouse no parque de Santa Margarita a XXIII edición do “Día da Ciencia na rúa”, actividade organizada pola “Asociación de Amigos de la Casa de las Ciencias”.
Como ven sendo tradición nos últimos anos, o noso centro non faltou a esta importante cita ca ciencia cidadá. Neste edición participaron ó longo do día preto de cincuenta rapaces e rapazas realizando diferentes actividades científicas e explicándollas á xente que se acercaba.
Entre as actividades expostas polo noso alumnado podíamos atopar: O ladrón de xulios, anatomía con realidade aumentada, placas termoeléctricas, a fabricación de xabón, o funcionamento dos órganos do corpo, correntes de Foucault, pilas de froitas, flores de cores, libros inseparables, trucos de cartas, motor homopolar, a cicloide, a paisaxe celular, tren magnético e fluídos non Newtonianos entre outras. Seguir lendo Día da Ciencia na rúa

Concurso de fotografía científica

O 21 de decembro elexíronse as gañadoras do “Concurso de Fotografía Científico-Matemático” organizado por vicedireción, departamento de Física e Química e departamento de Educación Plástica. Dito concurso englóbase dentro do proxecto interdisciplinar de centro coordinado pola Biblioteca e cuxo título é “A Paisaxe”. Dende aquí a nosa noraboa ás alumnas: Irene Rodríguez (1ª clasificada), Orleni Mateo (2ª clasificada) y Clara María Bode (3º clasificada). Seguir lendo Concurso de fotografía científica

Vista á EDAR de Bens

Os días 21 e 28 de Novembro alumnos de 32 de ESO e 1ª de bacharelato fixeron unha visita, organizada polos departamentos de Física e Química e de Tecnoloxía, á planta de tratamento da augas residuais EDAR de Bens.
Despois dunha explicación do proceso de recollida e tratamento das augas fixeron unha percorrido polas instalacións. Seguir lendo Vista á EDAR de Bens

Profesora Asistente de inglés

Durante o curso 2017-18 o IES Plurilingüe Xosé Neira Vilas ten a sorte de poder contar con Natalie Honan, “English Teaching Assistantship” do prestixioso programa Fulbright. Dito programa está patrocinado pola Oficina de Asuntos Educativos e Culturais do Departamento de Estado dos Estados Unidos xunto co sector privado, tendo como obxectivo o financiamento de proxectos de investigación, formación e/ou ensino en diferentes países.
Seguir lendo Profesora Asistente de inglés

Ciencia Na Rúa 2017

A maxia da química

O día 6 de maio, organizado polos departamentos de Física e Química, Bioloxía e Tecnoloxía, o noso centro participou na XXII edición de Ciencia Na Rúa.

Ao longo do día 46 alumnas e alumnos presentaron, con gran entusiasmo e interese,  ao público experiencias sobre magnetismo e química.

Agradecemos especialmente a colaboración de Jesús Mosqueira Rey, profesor do departamento de Física de Partículas da Facultade de Física da USC, polo asesoramento e achega do material para a experiencia de levitación magnética.

A actividade foi organizada polos profesores:

  • María José Fandiño Río
  • Laura Fernández Villarino
  • Blanca Rodríguez Latorre
  • Xosé Rodríguez Rodríguez
  • Ramón Romero Pardo, (profesor emérito)
  • Antonio Varela Caamaño, (profesor emérito)

Actividades sobre magnetismo:

  • Imáns polos e forzas magnéticas.
  • Materias ferromagnéticos e non ferromagnéticos.
  • O compás: determinación dos polos dun imán.
  • Construción de imáns.
  • Experiencia de Oersted.
  • Forza de Lorentz.
  • Construción de electroimáns.
  • Experiencias de indución.
  • Motor homopolar.
  • Tren de bobina.
  • Levitación magnética con supercondutor.

Actividades de química:

  • Reaccións redox con permanganato: transformacións de viño en auga.
  • Ácidos e bases: A col lombarda como indicador de pH.
  • Diferencias de densidade: Lámpada de lava e as lentellas máxicas.

 

Charla sobre supercondutividade

Dentro do programa “APONTE” da USC  (Universidade de Santiago de Compostela) o profesor Jesús Manuel Mosqueira Rey impartiu unha charla  sobre supercondutividade dirixida á alumnado de 1º e 2º de bacharelato.

O relator, que é profesor da Facultade de Física e ademais é investigador no Laboratorio  de Baixas Temperaturas e Supercondutividade da USC , falou sobre a investigación e as numerosas aplicacións dos materiais supercondutores.

Unha das aplicacións máis espectaculares é a levitación magnética que o profesor presentou por medio dunha maqueta de tren.

Día da Ciencia na Rúa 2016

A capacidade comunicativa do noso alumnado mantivo a xaima chea de público
A capacidade comunicativa do noso alumnado mantivo a xaima chea de público

O pasado sábado, 7 de maio, o noso centro participou no XXI Día da Ciencia Na Rúa. Dende as 11 da mañá ata as  7  da tarde unha nutrida representación do  alumnado do centro presentou ao público asistente unha colección de actividades e experiencias que trataban de popularizar e desmitificar o coñecemento científico.

O capacidade de comunicación  do alumnado e a súa facilidade para adaptar as explicacións á idade dos visitantes mantiveron a nosa xaima sempre chea de visitantes.

Participantes

Alumnado : Daniel Alba Pascoal, Lucía Arce Fernández, Alejandro Basante Díaz , Javier Castro Iglesias, Diego Chenlo Portabales, Rubén Digón Louzara, Martín Fernández-Obanza Durán, Lucía Flórez Bustad, Antía González Fernández, Marta Martínez Novo, Pepa Mata Varela, Emilia Oróns Vázquez, Miguel Pozo González, Cesar Resch Pérez, Alba Rouco Prieto, Iago Ruibal Lago, Uxía Sabrojo Catoira, Guillermo Astor Torres Lamas, Adrián Vázquez Pintor, Marcos Vázquez Rubín.

Profesorado : Jesús Antonio Curros López  e Laura Fernández Villarino  do Departamento de Física e Química,   Xosé Rodríguez Rodríguez  do Departamento de Tecnoloxía e Ramón Romero Pardo e Antonio Varela Caamaño, profesores eméritos do departamento de Física e Química.

Actividades presentadas

Cartel de Ciencia na Rúa 2016
Cartel de Ciencia na Rúa 2016
  • O aire esmaga unha lata de refresco
  • Una figura de papel imposíbel de realizar
  • O sistema binario e máis eu adiviñámosche o numero pensado
  • Un programa de ordenador telépata
  • Unha fonte sin fin
  • Nitinol: un metal con memoria de forma
  • Ensaios á chama e a composición das estrelas
  • Un detector de luz infravermella no bolso.
  • Experiencias no baleiro
  • Impresora 3D. Deseña e imprime o teu chaveiro
  • Fabricando unha gaiola de Faraday na casa