O alumando de 1º de ESO participou os pasados días 8, 15 e 22 de novembro nunhas sesións de Body-Box, impartidas para cada grupo por especialistas na materia no ximnasio da Piscina Municipal de Perillo.
Esta actividade foi organizada polo departamento de Educación Física e subvencionada na súa totalidade polo Concello de Oleiros.
A Consellería de Educación, Universidade e Formación Profesional vén de comunicar ao noso centro que foi mercedor do LABELFRANCEDUCATION do MINISTERIO DE ASUNTOS EXTERIORES de Francia.
O LabelFrancEducation é unha prestixiosa distinción outorgada en todo o mundo aos centros educativos que sobresaen por ofrecer un ensino bilingüe da lingua e a cultura francesas de calidade e excelencia. Seguir lendo LABELFRANCEDUCATION para o Neira
Durante a semana do 26 ao 30 de novembro o noso centro homenaxea ao escritor do cal recibe o nome, coincidindo co cabodano do seu falecemento, o 27 de novembro de 2015. Este é o terceiro ano consecutivo no que o instituto organiza estas actividades en memoria da figura literaria de Xosé Neira Vilas.
Vídeo da Semana Neira Vilas 2018. Realización e producción de Hakaneirafilms
Galería de fotos de Alberto Pombo
A continuación descríbense as actividades organizadas para cada un dos días desta semana.
O pasado martes 20 de febreiro o alumnado de 3º de ESO desprazouse, acompañado polo profesorado de tecnoloxía, á Fundación Barrié da Coruña para participar na actividade “Achégate á robótica“.
Neste obradoiro os estudantes programaron os robots educativos Makeblock mBot para superar diferentes retos.
O pasado luns, 19 de novembro, varios profesionais de Inditex estiveron co alumnado de 4º de ESO para contarlles, en primeira persoa, as súa propia experiencia laboral.Dende hai xa varios anos a Anpa Arce Xosé Neira Vilas recoñece a importancia que ten saber estudar para que o alumnado poida acadar uns bos resultados académicos sen renunciar a outras actividades que tamén contribúen á súa formación integral como persoa.
Facilitar o coñecemento das técnicas de estudo ao alumnado do noso centro pasou a se unha das nosas prioridades, dándolle forma a través da actividade extraescolar de Técnicas de estudo grazas ao traballo e bo facer da pedagoga e especialista Belén Pérez Sanmartín.
Tras varios anos de excelentes resultados no noso centro comezamos este curso cun novo proxecto, en colaboración co departamento de Orientación, para incluír un programa específico de técnicas de traballo intelectual para o alumnado de 1º de ESO, por ser o ano de incorporación ao centro escolar o que entraña maior esforzo organizativo a nivel académico.
O devandito programa consta de catro sesións, que se desenvolven durante as titorías do mes de novembro e serán impartidas pola pedagoga e especialista Belén Pérez Sanmartín, pioneira na implantación desta materia na nosa comunidade escolar.
A nosa anpa faise cargo da totalidade do financiamento para o curso de 1º ESO, esperando que o alumnado e as súas familias poidan aproveitar esta gran oportunidade.
Este programa de técnicas de estudo tamén se oferta coma actividade extraescolar da anpa do instituto os xoves en horario de 16:15 a 17:55h e sen límite de idade para todo o alumnado que o precise.
A Xunta Directiva da Anpa Arce Xosé Neira Vilas
O pasado luns 12 de novembro estivo no instituto a escritora Paula Carballeira, compartindo co alumnado de 2º de ESO unha actividade de Dinamización da Lingua Galega: Historias de Arrepío.
Seguir lendo O GALEGO, A MIÑA LINGUA PROPIA: Paula Caballeira
Convócase a segunda edición do Concurso de fotografía do IES Pluringüe Xosé Neira Vilas que, nesta convocatoria, ten coma eixo central “A Lúa”. O prazo de presentación de imaxes estará aberto ata o vindeiro 19 de decembro.
Animamos a toda a comunidade educativa a participar nesta actividade englobada no Proxecto da Biblioteca.
O pasado luns, 5 de novembro, a Universidade da Coruña convidou aos directores e orientadores dos centros a participar nunha xuntanza informativa sobre as novas titulacións que ofrece a UDC, na que tamén se expuxeron as futuras modificacións que se realizarán na oferta actual. Para unha información máis delatallada pódese consultar o Blog de Orientación do instituto:
…Para comprobar como se realizan as medicións analóxicas de temperatura, precipitación, presión e ventos no xardín do Observatorio,… Para comprobar como a radio-sonda lanzada dúas veces por día transmite informacións sobre a atmosfera en altura,… Para conhecer como se traballa na web da Axencia Estatal de Meteoroloxía,… Para preguntar sobre meteoros, catástrofes naturais e cambio climático antropoxénico.
