O pasado 8 de Febreiro o alumnado de 1º de ESO tivo oportunidade de visitar o Acuario Finisterrae da Coruña onde disfrutaron das exposicións e das especies que alberga o recinto. A visita completouse coa visión en directo da alimentación dos peixes da Sala Nautilus por parte dos buzos das instalacións, así como a das focas.
Podedes ver as fotos aquí:
O pasado venres 15 de febreiro o alumnado de 3º de ESO do IES
Plurilingüe Xosé Neira Vilas participou nun obradoiro de ilustración
na Biblioteca Municipal Rialeda. Miguel Cuba, responsable desta
actividade, conseguiu espertar neles a faceta creativa que todas e
todos levan dentro. A actividade inclúese na programación de actividades de fomento da lectura do Concello de Oleiros.
O xoves 14 de febreiro o alumnado de 1º de bacharelato visitou a Universidade de Santiago de Compostela. A visita foi organizada polo Departamendo de Orientación.
Tedes toda a información no seguinte enlace.
O alumnado dos catro cursos da ESO e de 1º de Bacharelato participaron nesta actividade organizada polo Departamento de Educación Física. O alumnado acudiu en distintas quendas entre o 31 de xaneiro e o 13 de febreiro.
Podedes ver máis fotos aquí:
O día 5 de febreiro o alumnado de 2º da ESO visitou e participou en diversas actividades no Fórum Metropolitano de A Coruña
O alumnado de 1º da ESO do noso instituto coñeceu a biblioteca Rialeda da man do actor Ramiro Neira. A actividade tivo lugar en dous días, o 5 e o 6 de febreiro de 2019.
O alumnado de 2º de ESO participou o pasado venres 8 de febreiro nunha visita e nun obradoiro de química no MUNCYT. Todos eles realizaron unha actividade experimental na que clasificaron varias substancias pola súa acidez, utilizando un indicador natural que fabricaron in situ con col lombarda. Seguir lendo VISITA AO MUNCYT E OBRADOIRO DE QUÍMICA
O alumnado de 3º de ESO visitou o pasado luns 4 de febreiro as instalacións do parque enerxético experimental de Sotavento, o encoro do Eume e o Lago de As Pontes.
Seguir lendo VISITA A SOTAVENTO, ENCORO DO EUME E LAGO DAS PONTES
O pasado venres 1 de febreiro o alumnado de 1º e 2º de bacharelato asistiu a unha charla, organizada polo Departamento de Orientación, na que se presentou a oferta académica da Universidade de Santiago de Compostela.
Seguir lendo PRESENTACIÓN DA OFERTA UNIVERSITARIA DA USC
O Concello de Oleiros concedeu ao IES Plurilingüe Xosé Neira Vilas, mediante Decreto da alcaldía nº 5485/2018, de 26 de decembro, de 7168 € (sete mil cento sesenta e oito euros) para os seguintes conceptos:
“Actividades didácticas, deportivas e culturais (representacións teatrais, visitas a entidades, museos e exposicións, intercambio co SchuleEins de Berlín, viaxe europea a Polonia,…) para 327 alumnos e alumnas, viaxe de fin de etapa da ESO a Dublín para 24 alumnos/as e intercambio cultural co Collége Notre Dame Le Ménimur (Bachibac) para 13 alumnos/as“.
