Arquivo da categoría: Biblioteca

Actividades, Biblioteca, Curso 2022-2023, Curso Actual

Un reto da biblioteca polo 11 de Febreiro

A nosa biblioteca celebrou o Día da muller e da nena na ciencia o 11 de febreiro plantexándolle un reto ao alumnado. Tratábase de identificar diversos inventos e descubrimentos realizados por mulleres científicas ao longo da historia. A actividade completouse co mural no que se expuxeron esas aportacións ao longo de toda a semana e cunha exposición de libros STEM escritos por mulleres científicas. Seguimos traballando e avanzando cara á plena igualdade en todos os campos de coñecemento e en todos os ámbitos da vida.

 

Biblioteca, Curso 2022-2023, Curso Actual

“O FAIADO DE BALBINO” ESTÁ EN MARCHA

Tras a volta do Nadal botou a andar o novo club de lectura do noso instituto, “O faiado de Balbino”. A iniciativa inclúe numerosos grupos de lectura, coordinados polo profesorado do centro e dirixidos ao alumnado dos distintos cursos e ás súas familias:
– Grupo”Historias fantásticas da Mitoloxía”, coordinado por David Amboage.
– Grupo de banda deseñada en galego “Cousas” e grupo das familias “Cantarolas”, coordinados por Elisabet Ríos.
– Grupo de portugués “Xs Lusíadxs”, coordinado por Noé Vázquez.
– Grupo de castelán “Bululú”, coordinado por Guadalupe Pardo.
– Grupo de Xeografía e Historia “Caderno de Bitácora” e grupo LGTBIQ+ “Diversx”, coordinados por Mercedes López-Mayán.
Ata a data celebráronse xa numerosas xuntanzas e desenvolvéronse varias lecturas e proxectos relacionados. E isto non fixo máis que comezar!
Boas lecturas!

O pase de diapositivas require JavaScript.

Alumnos, Biblioteca, Curso 2022-2023, Curso Actual

Novo sistema de xestión da Biblioteca: KOHA

O pasado mércores, 6 de outubro, produciuse a migración da antiga aplicación Meiga a Koha, o novo sistema de xestión bibliotecaria que, dende a Asesoría de Bibliotecas, se está a implantar progresivamente nos centros escolares de Galicia.

A nosa biblioteca foi unha das escollidas para levar a cabo o cambio no curso 2022-23. Dende que este comezou, o equipo de biblioteca leva traballando intensamente para preparalo todo e adaptarse e formarse no uso do novo sistema, que inclúe importantes melloras tanto no seu deseño como na súa funcionalidade para realizar as accións habituais de catalogación, circulación ou xestión de usuarios, entre outras moitas.

Dende agora o catálogo da nosa biblioteca pode consultarse en liña no seguinte enlace: https://iesneiravilas.edubib.xunta.gal/

Biblioteca, Curso 2022-2023, Curso Actual

COMEZA A HORA DE LER

O luns, 10 de outubro, arrinca a actividade “Hora de ler” nos catro cursos da ESO, como ven ocorrendo nos últimos anos baixo a iniciativa da Biblioteca. Cada día, en distintas horas segundo a semana, adícanse 20 minutos á lectura do libro escollido libremente polo alumnado.

O obxectivo desta actividade é o fomento da lectura, polo que se desenvolve co compromiso de todo o profesorado e tamén do alumnado, que debe dispoñer sempre de material de lectura en papel, ben traído da casa, ben collido en préstamo na nosa Biblioteca.

Moitas grazas a todos/as pola vosa colaboración e felices lecturas!

Biblioteca, Curso 2020-2021, Curso Actual

Hora de Ler

Deixa un comentario

Un curso mais, a Biblioteca Escolar pon en marcha o programa da Hora de Ler. Trátase dunha iniciativa na que durante 20 minutos diarios, se facilita ao alumnado un tempo para fomentalo gusto pola lectura, estimular o hábito lector mentras ampliamos os nosos coñecementos nas mais diversas áreas.
Lembra traer o teu libro!!!  Podedes ver o calendario neste enlace:

calendario_hora_de_ler_2020_21

 

Actividades, Alumnos, Biblioteca, Curso 2019-2020, Departamento de Economía, Departamento de Filosofía, Departamento de Latín e Grego, Departamento de Lingua Castelá

Semana da Muller 2020

Deixa un comentario

A Semana da Muller 2020 é momento de lembranza do papel das mulleres en diversos campos: na ciencia, na literatura, na economía, na vida… por parte de diversos departamentos e profesorado, ademáis da Biblioteca do centro escolar.

O alumnado de 2º ESO, ademáis, leu en grupo e criticamente a obra “La Cenicienta que no quería comer perdices” -obra que moderniza o conto de Cenicienta, en Valores Éticos. Isto servíu para traballar os estereotipos de xénero en torno ao machismo.

Actividades, Alumnos, Biblioteca, Curso 2019-2020, Departamento de Lingua Castelá

O bo, se breve…

Deixa un comentario

O alumnado de 3º ESO visitou o 7 de febreiro a Biblioteca Rialeda e disfrutou coa presenza da escritora Maribel Andrés Llamero, que impartíu para eles un monográfico de micronarración.

A actividade consistíu na exposición de diferentes microcontos e microrrelatos, aos que o alumnado contribuíu a poñer títulos ou remates.

Actividades, Alumnos, Biblioteca, Curso 2019-2020, Departamento de Lingua Galega, Departamento de Música, Departamento de Plástica, EDNL

Semana Neira Vilas

1 comentario

Ao longo da semana final de novembro de 2019 tivo lugar a “Semana Neira Vilas 2019” no centro educativo, coa colaboración de diversos departamentos e alumnado nos actos programados para conmemorar a figura do escritor que dá nome a este IES.

O alumnado leu fragmentos de obras do autor -actividade patrocinada desde a Biblioteca Escolar; diseñou paisaxes “diferentes” para un fondo de neno labrego -actividade promovida polo departamento de Educación Plástica; lembrou ao autor e interpretou o poema “Ai, amor”, una vez máis -nunha colaboración do EDNL e o departamento de Música; chiou en @semaneira; escoitou a Xosé María Dobarro; cantou,…

  • Velaquí algúns intres desta semana conmemorativa.