Na biblioteca do instituto están de estrea! O alumnado de TIC de 2º de bacharelato, baixo a coordinación de Agustín, desenvolveu unha aplicación para poder solicitar libros da biblio, reservar posto de lectura e facer suxestións. Podedes descargala seguindo as instrucións que aparecen aquí: Cartel App Biblio Neira 2021
Arquivo da categoría: Biblioteca
Hora de Ler
Un curso mais, a Biblioteca Escolar pon en marcha o programa da Hora de Ler. Trátase dunha iniciativa na que durante 20 minutos diarios, se facilita ao alumnado un tempo para fomentalo gusto pola lectura, estimular o hábito lector mentras ampliamos os nosos coñecementos nas mais diversas áreas.
Lembra traer o teu libro!!! Podedes ver o calendario neste enlace:
calendario_hora_de_ler_2020_21
Día do Libro 2020
Semana da Muller 2020
A Semana da Muller 2020 é momento de lembranza do papel das mulleres en diversos campos: na ciencia, na literatura, na economía, na vida… por parte de diversos departamentos e profesorado, ademáis da Biblioteca do centro escolar.
O alumnado de 2º ESO, ademáis, leu en grupo e criticamente a obra “La Cenicienta que no quería comer perdices” -obra que moderniza o conto de Cenicienta, en Valores Éticos. Isto servíu para traballar os estereotipos de xénero en torno ao machismo.
O bo, se breve…
O alumnado de 3º ESO visitou o 7 de febreiro a Biblioteca Rialeda e disfrutou coa presenza da escritora Maribel Andrés Llamero, que impartíu para eles un monográfico de micronarración.
A actividade consistíu na exposición de diferentes microcontos e microrrelatos, aos que o alumnado contribuíu a poñer títulos ou remates.
Semana Neira Vilas
Ao longo da semana final de novembro de 2019 tivo lugar a “Semana Neira Vilas 2019” no centro educativo, coa colaboración de diversos departamentos e alumnado nos actos programados para conmemorar a figura do escritor que dá nome a este IES.
O alumnado leu fragmentos de obras do autor -actividade patrocinada desde a Biblioteca Escolar; diseñou paisaxes “diferentes” para un fondo de neno labrego -actividade promovida polo departamento de Educación Plástica; lembrou ao autor e interpretou o poema “Ai, amor”, una vez máis -nunha colaboración do EDNL e o departamento de Música; chiou en @semaneira; escoitou a Xosé María Dobarro; cantou,…
- Velaquí algúns intres desta semana conmemorativa.
Festa de outono
O luns 11 de novembro, o IES celebrou a súa festa de outono 2019, cunha colaboración significativa de alumnado e profesorado. As actividades, variadas, incluíron unha serie de relatos e conxuro de magosto, ademáis dunha explicación das orixes do Samaín [ver PDF]; unha serie de cartaces aleccionadores sobre a festa do magosto, un obradoiro de cabazas de papel -levado a cabo polo alumnado de 1º Bach.-, unha serie de xogos populares e o propio magosto -que permitíu degustar castañas á comunidade educativa.
Podedes ver algúns intres da celebración nesta ligazón.
Aquel neno…
Sumándonos á convocatoria da Fundación Xosé Neira Vilas, que tivo a ben conmemorar o 3 de novembro como o “Día Neira Vilas”, o alumnado do centro participou na lectura de extractos do libro “Aquel neno”. Os destinatarios foron principalmente 1º ESO A e 1º ESO B. A actividade, coordinada polo noso compañeiro Alberto Pombo, contou coa participación e colaboración do equipo da Biblioteca escolar do centro.
Proxectos de Biblioteca
A Biblioteca do IES Plurilingüe Xosé Neira Vilas adianta actividades para o curso 2019-20. Por unha banda, difúndese o calendario dos 20 minutos de lectura diarios -o programa “Hora de ler”; pola outra, invítase a todos os membros da comunidade educativa a elexir o logo do proxecto de Biblioteca deste curso académico, que terá como tema-guía a #Distopía (pódese votar AQUÍ antes do 20 de outubro).
NEIRAVIAXE 2019
Presentamos o vídeo do primeiro NeiraNaukas que se pode visualizar premeNdo sobre a LIGAZÓN ou sobre a imaxe.
O próximo xoves 20 de xuño, como acto de despedida do curso, realizaremos unha nova presentación dentro do proxecto deste curso NeiraViaxe.
