Os días 23, 24 e 25 de marzo o alumnado de Xeografía e Historia de 2º ESO participou na actividade “Un día en Galicia”, organizada polo Concello de Oleiros.
Desta volta, disfrutaron dunha fermosa andaina polas Fragas do Eume, en cuxo interior visitaron o Mosteiro de Caaveiro. Despois do xantar, achegáronse ao coñecemento das pegadas medievais visibles na vila de Pontedeume e arredores, antiga Terra dos Andrade, incluíndo a marabillosa Torre de Nogueirosa.
A Consellería de Cultura, Educación e Universidade publicou o pasado martes 22 de marzo a convocatoria da proba externa do programa BACHIBAC para o curso 2021-2022. Dita proba terá lugar os días 9 e 10 de maio, pero o prazo de inscripción do alumnado remata o día 30 de marzo. Todos os trámites fanse na secretaría do instituto. Pódese consultar a convocatoria no seguinte enlace: http://www.edu.xunta.gal/
O Ministerio de Educación e Formación Profesional adianta este curso a convocatoria xeral de becas. O prazo abre o próximo 30 de Marzo e pecha o 12 de abril.
Máis información no blog de orientación do instituto.
A xunta de Goberno Local, na sesión do 26 de outubro de 2021, concedeu ao noso instituto 8.000 € en concepto de subvención para a realización de actividades educativas complementarias e adquisición de material didáctico de carácter funxible.
O pasado 25 de Febreiro o IES Neira Vilas puxo o punto e final a unha semana de celebracións do entroido cun festival de disfraces que amosou, un ano máis, a creatividade e ilusión dos participantes. Alumnado e profesorado disfrutaron de diversas actividades (desafío filloeiro, lectura dos testamentos…), xogos e bailes para rematar as xornadas.
