O venres 15 de xuño, o departamento de Educación Física, organizou unha charla-coloquio sobre o DEPORTE ADAPTADO. Contamos coa participación de dous membros deportistas da asociación ENKI, Jose Angel López e Fran Pedreira, que nos contaron as súas experiencias deportivas e o día a día dunha persoa con diversidade funcional. Seguir lendo Deporte adaptado
Arquivo da categoría: Departamento de Educación Física
Xogos populares
O venres 25 de maio, organizouse no Instituto a través do Concello, que subvencionou a actividade, unha xornada de XOGOS POPULARES para os rapaces de 1º e 2º de ESO. Os alumnos e alumnas puideron desfrutar do xogo do aro, da petanca, da buxaina, zancos …. Seguir lendo Xogos populares
Campionato de fútbol
Ao longo do 3º trimestre celebráronse os CAMPIONATOS DEPORTIVOS de baloncesto, fútbol e ping-pong.
O 21 de xuño xogouse a final do campionato de fútbol , sendo esta a clasificación:
Primeiro clasificado: 1º de BACHARELATO
Segundo clasificado: 2º ESO C
Terceiro clasificado: GAFIRULAS (4º ESO) Seguir lendo Campionato de fútbol
Actividades de Educación Física
Dende o Departamento de Educación Física en coordinación co concello de Oleiros que as financiou na súa totalidade, realizáronse varias actividades no mes de abril, dirixidas a distintos niveis educativos. Así pois, os alumnos de 2º de ESO, o martes 17 de abril foron ó pavillón de Bastiagueiro, onde realizaron a actividade de “Iniciación á Escalada”. Seguir lendo Actividades de Educación Física
Xogos Populares
O 18 de abril, o concello de Oleiros en coordinación co seminario de Educación Física, celebrou no instituto unha xornada de “Xogos populares” para os nenos e nenas de 1º da ESO.
Iniciación á escalada
O día 4 de abril, o concello de Oleiros organizou en coordinación co seminario de Educación Física, unha xornada de “Iniciación á escalada”. Celebrouse no pavillón de Bastiagueiro e participaron os alumnos de 2º da ESO en sesións de dúas horas cada grupo. 
Actividade de Hip-hop
Dende o concello de Oleiros, e a través do seminario de Educación Física, a compañía EXIRE organizou unha workshop sobre a cultura do Hip-hop, celebrando así a proximidade do día internacional da danza. Foi o mércores 26 de abril e participaron os rapaces de 3º e 4º da ESO.
Patinaxe sobre xeo
Ao longo do mes de febreiro, o departamento de Educación Física organizou a actividade “PATINAXE SOBRE XEO”. na que participou todo o alumnado coa materia de educación física, en xornadas de dúas horas cada grupo. Realizouse nas instalacións de Invernalia, no paseo marítimo Alcalde Francisco Vázquez, cunha porcentaxe alta de participación.
Actividade de remo
O día 21 de outubro os alumnos de 1º de ESO realizaron unha actividade, promovida polo Concello de Oleiros, de iniciación ao kaiak e remo, impartida polo Clube de Remo de Perillo.
Xornadas de xogos populares
O día 26 de Marzo, organizouse a través do concello, unha xornada de XOGOS TRADICIONAIS.
A actividade programouse nun principio só para os alumnos/as de 4º da ESO, se ben por cuestións de horarios, estendeuse tamén ós alumnos/as de 2º ESO e 3º B.
Os nenos e nenas participaron de forma activa e gozaron dunha xornada distinta e creemos que divertida aprendendo outra forma de xogar.
O Seminario de Educación Física, quere agradecer a colaboración do concello para a realización desta actividade dotando ó instituto cos medios materiais (billarda, rá, chave, bolos, zancos, aros…) e persoais, para o desenvolvemento da xornada.