Un grupo de 23 alumnos e alumnas do instituto visitou na mañá do 10 de maio os stands de Galiciencia na Tecnópole de Ourense. Alí coñeceron diversos proxectos científicos levados a cabo en centros de ensino galegos e doutras CCAA, nos que a posta en práctica de aplicacións móbiles para a realización efectiva de deporte de cara a previr enfermidades cardiovasculares, a posta en marcha dun alcoholímetro dixital co obxecto de previr unha condución temeraria ou a erradicación das velutinas a través dun fungo que resulta mortal para elas tiveron acollida especial entre o xurado do certame e entre o noso propio alumnado. Outras moitas experiencias enriqueceron a visita. Seguir lendo GALICIENCIA 2019
Arquivo da categoría: Alumnos
Actividades extraescolares non organizadas por un departamento, como as excursións de fin de curso ou as ceremonias de graduación.
CIENCIA NA RÚA 2019
O sábado 4 de maio celebrouse no parque de Santa Margarida a XXIV edición do “Día da Ciencia na Rúa”, actividade organizada pola Asociación de Amigos da Casa das Ciencias.
Un ano máis, o IES Plurilingüe Xosé Neira Vilas estivo presente nunha das carpas da citada celebración, coa participación dun numeroso grupo de estudantes, coordinados polas profesoras María Blanco e María José Fandiño. Seguir lendo CIENCIA NA RÚA 2019
VIAXE EUROPEA 2019
Os participantes na Viaxe Europea chegaron a Atenas a primeira hora da mañá do día 28 de abril. Forman parte desta expedición, de enriquecemento cultural, 55 estudantes de diferentes cursos (de tódolos niveis de ESO e 1° de bacharelato) e cinco docentes: Jorge Calle López, Xosé Antón García González, Pilar Morandeira Roel , Francisco Rodríguez e Carlos Vidal López. Seguir lendo VIAXE EUROPEA 2019
XORNADAS DO ICF: MEDIACIÓN ESCOLAR
O pasado sábado 27 de abril os alumnos Orleni Mateo e Eduardo Xavier Giménez, xunto coa exalumna Amy Díaz, participaron nas XIII Xornadas do ICF, que tiveron lugar no Salón de Actos da Fundación Paideia Galiza (Praza de María Pita). Seguir lendo XORNADAS DO ICF: MEDIACIÓN ESCOLAR
CHARLAS SOBRE O GRAO DE TERAPIA OCUPACIONAL
Alumnas do último ano do grao de Terapia Ocupacional estiveron no instituto para explicar estes estudos, entre elas unha exalumna do noso centro, Gema Tacón. Tedes toda a información neste enlace:
https://orientateenperillo.blogspot.com/2019/04/grao-en-terapia-ocupacional-sen-dubida.html?spref=tw
CHARLA DA CIUG SOBRE A ABAU
Pedro Armas, representante da CIUG (Comisión Interuniversitaria de Galicia), estivo un ano máis no noso centro e explicoulles as probas ABAU ao noso alumnado de bacharelato. Tedes toda a información neste enlace:
https://orientateenperillo.blogspot.com/2019/04/presencia-da-ciug-no-noso-centro-pedro.html?spref=tw
SAÍDA DO ALUMNADO DE 1º ESO AO URBAN PLANET
O pasado 28 de marzo o Departamento de Educación Física organizou esta saída co alumnado de 1º ESO.
YOLANDA CASTAÑO NAS TORRES DE OLEIROS
Organizado polo Departamento de Lingua Galega, o alumnado de 1º e 2º ESO acudiu as Torres (Oleiros) o pasado día 27 de marzo a unha actividade coa poeta Yolanda Castaño.
FEIRA CIENTÍFICA UDCiencia
O alumnado de 2º de ESO B participou o pasado 28 de abril nunha serie de obradoiros científicos organizados pola Fundación Barrié en colaboración coa Universidade da Coruña. Seguir lendo FEIRA CIENTÍFICA UDCiencia
ENTREGA DA XXIV EDICIÓN DO PREMIO LITERARIO SAN CLEMENTE
O pasado mércores 20 de marzo os alumnos de segundo de Bacharelato Guillermo Huelin, Victoria Prado, Irene Rodríguez e Iris Lopetegui estiveron na entrega da XXIV edición do Premio Literario San Clemente Rosalía – Abanca aos escritores Marcos Calveiro, Pedro Mairal e Han kang. 
O acto de entrega tivo lugar no Auditorio Abanca de Santiago. Posteriormente acudiron con todos os participantes a unha cea no Hostal dos Reis Católicos onde compartiron mesa cos escritores premiados. Acompañaron ao noso alumnado os profesores Ana Crego, do departamento de Lingua Galega, Julia Fernández, do departamento de Lingua Castelá, e Carlos Vidal, do departamento de Francés. Máis fotos abrindo o artigo. Seguir lendo ENTREGA DA XXIV EDICIÓN DO PREMIO LITERARIO SAN CLEMENTE