2º e 3º ESO cantaron o Nadal
Arquivo da categoría: Departamento de Música
RECITAL DE PANXOLIÑAS NA RESIDENCIA DE MAIORES “RAIOLA”
O alumnado de 2°C foi cantar o Nadal á residencia de maiores Raiola o xoves 18 de decembro nunha iniciativa organizada polo Departamento de Música e o Equipo de dinamización lingüística do centro. As emocións foron moitas e gozamos da compaña. Amais do aguinaldo en forma de comida tamén tivemos estas marabillosas felicitacións das festas. Moitas grazas pola acollida!
Actividades varias na primeira quincena de maio
Obradoiros de educación afectivo-sexual, ofrecidos polo Servizo Municipal de Educación e Xuventude e solicitados polo Departamento de Orientación para os cursos de 1º a 4º ESO. Aquí temos ao alumnado de 4º ESO B e PDC atendendo ás explicacións da formadora Silvia Varela.
Concerto dos maios: o pasado venres, 10 de maio, o noso alumnado de 2º e 3º ESO tivo o pracer de escoitar en directo a música do grupo A Trabe d’ouro e aprender algo sobre o costume de facer os maios chegado este tempo. O concerto tivo lugar no Auditorio da Fábrica, en Perillo, e foi organizado polo Departamento de Música coa colaboración do Concello de Oleiros.
XORNADA MICOLÓXICA
O pasado luns 7 de novembro un grupo de alumnado do IES Neira Vilas participou nunha actividade micolóxica desenvolvida no Bosque dos veciños de Oleiros. Dita actividade consistiu na recollida, organización, identificación e exposición das especies atopadas. Contouse coa axuda do experto da Asociación Micolóxica Andoa: Necho Couceiro.
Despedida do curso académico 2021-22
22 de xuño de 2022 representou o último día de acción e diversión educativa do curso académico.
Arredor da pista principal do IES, o alumnado de Cultura Científica de 4º ESO elaborou prácticas sinxelas de laboratorio que explicou a compañeiras e compañeiros. O departamento de Educación Física implicou a profesorado e alumnado nunha sesión de xogos populares, e alumnado da Escola de Música de Oleiros -baixo a supervisión do departamento de Música do centro educativo- realizou unha pequena actuación musical.
Grazas pola colaboración de todas e todos nesta despedida de curso académico. Bo verán a toda a comunidade educativa!!!
#NaCasa_NV ¿Medo? ¡Oh na na na!
Semana Neira Vilas
Ao longo da semana final de novembro de 2019 tivo lugar a “Semana Neira Vilas 2019” no centro educativo, coa colaboración de diversos departamentos e alumnado nos actos programados para conmemorar a figura do escritor que dá nome a este IES.
O alumnado leu fragmentos de obras do autor -actividade patrocinada desde a Biblioteca Escolar; diseñou paisaxes “diferentes” para un fondo de neno labrego -actividade promovida polo departamento de Educación Plástica; lembrou ao autor e interpretou o poema “Ai, amor”, una vez máis -nunha colaboración do EDNL e o departamento de Música; chiou en @semaneira; escoitou a Xosé María Dobarro; cantou,…
- Velaquí algúns intres desta semana conmemorativa.
CONCERTO FIN DE CURSO
O pasado venres día 14 de xuño celebrouse o Concerto Fin de Curso do noso instituto. Participou todo o alumnado de 2º e 3º ESO, xunto con aqueles de 4º ESO que cursaron Música como materia optativa.
Visita á cidade de Vigo
O pasado 12 de xaneiro o alumnado de 3º da ESO e 1º de Bacharelato realizou unha saída a Vigo para ver o Pergamiño Vindel e visitar o Museo do mar. Durante a visita traballáronse contidos didácticos do Departamento de Lingua e Literatura Galega, do Departamento de Música e do Departamento de Bioloxía. Seguir lendo Visita á cidade de Vigo
Visita á Santiago de Compostela
O 7 de marzo, o alumnado de Historia da Arte e de Historia da Música e a Danza realizou unha saída a Santiago de Compostela. Visitaron á Catedral, incluíndo os tellados, e viron outros edificios significativos (Hostal dos Reis Católicos, Santo Domingo de Bonaval, Convento de Santa Clara) que lles permitiu repasar fundamentalmente o estudado da arte románica e barroca.
