O día 20 de decembro ás 20h tivo lugar no salón de actos do IES Plurilingüe Xosé Neira Vilas a charla sobre Técnicas de Estudo, organizada polo departamento de orientación en colaboración coa ANPA Arce e impartida por Belén Pérez Sanmartín, pedagoga do gabinete Eleeméntal. Seguir lendo Charla sobre Técnicas de Estudo para as familias
Arquivo da categoría: Departamentos
Xornada Bachibac en Madrid
O pasado 12 de decembro celebrouse unha Xornada Bachibac, organizada polo Institut Français de Madrid en colaboración co Ministerio de Educación y Formación Profesional.
Asistiron 4 alumnas Bachibac do noso centro, acompañadas do profesor Carlos Vidal. En total participaron na Xornada, unhas 300 personas, entre profesorado e alumnado Bachibac de todas as Comunidades Autónomas.
1º de bacaheralato investiga a vacina do VIH
O alumnado de Cultura Científica de 1º de Bacharelato participou o día 12 de decembro nun obradoiro na Domus (A Coruña) para investigar como funciona a vacina do VIH. Nesta actividade aplicaron o procedemento para desenvolver unha vacina que podería protexernos deste virus, afondaron no coñecemento das variantes do VIH e analizaron a eficacia da citada vacina.
Sesión de Body-Box para 1º de ESO
O alumando de 1º de ESO participou os pasados días 8, 15 e 22 de novembro nunhas sesións de Body-Box, impartidas para cada grupo por especialistas na materia no ximnasio da Piscina Municipal de Perillo.
Esta actividade foi organizada polo departamento de Educación Física e subvencionada na súa totalidade polo Concello de Oleiros.
LABELFRANCEDUCATION para o Neira
A Consellería de Educación, Universidade e Formación Profesional vén de comunicar ao noso centro que foi mercedor do LABELFRANCEDUCATION do MINISTERIO DE ASUNTOS EXTERIORES de Francia.
O LabelFrancEducation é unha prestixiosa distinción outorgada en todo o mundo aos centros educativos que sobresaen por ofrecer un ensino bilingüe da lingua e a cultura francesas de calidade e excelencia. Seguir lendo LABELFRANCEDUCATION para o Neira
Obradoiro de robótica para 3º de ESO
O pasado martes 20 de febreiro o alumnado de 3º de ESO desprazouse, acompañado polo profesorado de tecnoloxía, á Fundación Barrié da Coruña para participar na actividade “Achégate á robótica“.
Neste obradoiro os estudantes programaron os robots educativos Makeblock mBot para superar diferentes retos.
Innova o teu futuro
O pasado luns, 19 de novembro, varios profesionais de Inditex estiveron co alumnado de 4º de ESO para contarlles, en primeira persoa, as súa propia experiencia laboral.Estas charlas forman parte do programa ” Innova o teu futuro” da Fundación Junior Achievement.
Concurso de fotografía: A Lúa
Convócase a segunda edición do Concurso de fotografía do IES Pluringüe Xosé Neira Vilas que, nesta convocatoria, ten coma eixo central “A Lúa”. O prazo de presentación de imaxes estará aberto ata o vindeiro 19 de decembro.
Animamos a toda a comunidade educativa a participar nesta actividade englobada no Proxecto da Biblioteca.
Novas titulacións da UDC
O pasado luns, 5 de novembro, a Universidade da Coruña convidou aos directores e orientadores dos centros a participar nunha xuntanza informativa sobre as novas titulacións que ofrece a UDC, na que tamén se expuxeron as futuras modificacións que se realizarán na oferta actual. Para unha información máis delatallada pódese consultar o Blog de Orientación do instituto:
Visita á AEMET do alumnado de Xeografía de 2º de bacharelato
…Para comprobar como se realizan as medicións analóxicas de temperatura, precipitación, presión e ventos no xardín do Observatorio,… Para comprobar como a radio-sonda lanzada dúas veces por día transmite informacións sobre a atmosfera en altura,… Para conhecer como se traballa na web da Axencia Estatal de Meteoroloxía,… Para preguntar sobre meteoros, catástrofes naturais e cambio climático antropoxénico.O alumnado de Xeografía de 2Bach visitou o Observatorio Meteorolóxico da Coruña o 6 de novembro de 2018… A clase continúa o xoves 8, na cafetería do centro educativo.