Arquivo da categoría: Dirección

Curso 2024-2025, Curso Actual, Dirección

Charla informativa sobre “abalarMóbil” para as familias

 

O presente curso comezouse a empregar o espazo Abalar no instituto, e a App para familias “abalarMóbil” para a xestión da información académica e de conduta do alumnado.
Para facer un pouco máis próximo o coñecemento e emprego da mesma o vindeiro martes  29 de outubro ás 18:30 horas, levarase a cabo unha xornada informativa da App “abalarMóbil” para as familias, onde unha asesora da consellería explicará o seu funcionamento e resolverá as dúbidas que se lle presenten. De cara a axilizar a charla sería preciso que as persoas asistente teñan a App “abalarMóbil” instalada nos seus dispositivos móbiles.
Curso 2021-2022, Curso Actual, Dirección

Graduación 2022

O venres 27 de maio tivo lugar a graduación da promoción que remata 2º Bacharelato en 2022. O acto -coa participación de toda a comunidade educativa e a asistencia do alcalde de Oleiros- tivo lugar no auditorio Gabriel García Márquez de Mera.

Nunha festa para a lembranza, Rita Ardao e Javier Méndez conduciron unha gala que contou cos discursos do director Fernando Vidal, a profesora Mercedes López-Mayán e o pai Moisés Canle, xunto coas alocucións de Iker Naveira e Luisa Tova por parte do alumnado.

Curso 2020-2021, Curso Actual, Dirección

Matrícula 2021-22

Do 30 de xuño ao 9 de xullo de 2021 terá lugar o proceso de matrícula para o vindeiro curso 2021-22 no IES. Por mor da COVID-19, e coa finalidade de evitar colas e aglomeracións, propoñemos a familias e alumnado unha matrícula por quendas -por orde alfabética, que indicamos na ligazón seguinte:

Quenda de matriculación.

Xuntamos os documentos de matrícula para cada etapa educativa:

 

 

Curso 2020-2021, Curso Actual, Dirección

REPARTO DE MÁSCARAS ENTRE O ALUMNADO

Deixa un comentario

O DOG do 13 de novembro vén de publicar a Orde que regula os criterios e o procedemento de distribución de máscaras entre o alumnado matriculado  en centros docentes públicos dependentes da consellería e en centros privados concertados no curso 2020/21.

IMPORTANTE:  o prazo para realizar a solucitude remata o venres 27 de novembro (dez días hábiles desde o seguinte á publicación no DOG).

Poden consultar a orde aquí: ORDE que regula o reparto de máscaras entre o alumnado. e un resumo realizado polo instituto aquí: Beneficiarios das máscaras RESUMO

Curso 2019-2020, Curso 2020-2021, Dirección, Matrícula, Secretaría

Matrícula 2020-21

Do 1 ao 10 de xullo de 2020 terá lugar o proceso de matrícula para o vindeiro curso 2020-21 no IES. Por mor da COVID-19, e coa finalidade de evitar colas e aglomeracións, propoñemos a familias e alumnado unha matrícula por quendas -por orde alfabética, que indicamos nas ligazóns pertinentes:

1º ESO – 1 de xullo 2º ESO (1) – 2 de xullo 2º ESO (2) e 3º ESO (1) – 3 de xullo 3º ESO (2) e 4º ESO (1) – 6 de xullo
4º ESO (2) e 1º Bach. – 7 de xullo 1º Bach (2) – 8 de xullo 2º Bach. – 9 de xullo Imprevistos 10 de xullo

Xuntamos os documentos de matrícula para cada etapa educativa:

Curso 2019-2020, Dirección

Hai que quedar na casa…

Deixa un comentario

Para paralo!!!

  • Suspéndense as actividades lectivas e extraescolares. Dende o vindeiro luns con carácter oficial, e de xeito recomendado dende mañán venres, por un período inicial de 14 días.
    Segundo comunicación do Presidente da Xunta en rolda de prensa esta mañán, no eido educativo, suspéndense as actividades lectivas e extraescolares en todos os niveis educativos, a partir do vindeiro luns e durante 14 días – a partir do luns de forma oficial e a partir de mañá de forma recomendada-. “Se os pais e as nais teñen dificultades para organizarse, os centros van estar abertos mañá, pero a partir do luns, desde o punto de vista de aceptación de alumnos, quedarán pechados”,

As ausencias do alumnado do día 13 de marzo consideraranse xustificadas a todos os efectos. Poden atopar a información sanitaria oficial ás familias nesta ligazón:

http://www.edu.xunta.gal/portal/familiasealumnado/informacion-coronavirus

O centro permanecerá aberto ao público para a realización de trámites administrativos de 9:00 a 13:00.

Un saúdo.
A Dirección.

Curso 2017-2018, Departamento de Lingua Galega, Dirección, Equipo de Dinamización da Lingua Galega, Nacho Taibo, Novedades, Profesores

Homenaxe a Nacho Taibo

Deixa un comentario

Os días 24 e 25 de maio tiveron lugar as xornadas dedicadas a Nacho Taibo. O venres 25, despois das dúas mesas nas que se falou do seu labor docente, o homenaxeado xunto cos compañeiros e parte do alumnado acudiu á aula 23 para descubrir os vinilos conmemorativos que recollían parte da súa obra e biografía, con motivo da dedicatoria na súa honra da aula na que se imparten actualmente as clases de Lingua e Literatura Galega.

A noticia dos actos foi recollida polo xornal “La Opinión”. Seguir lendo Homenaxe a Nacho Taibo →